एजेन्सी – पन्जाब किंग्सका तीव्र गतिका बलर अर्शदीप सिंहले इन्डियन प्रिमियर लिग (आइपिएल) २०२३ को ३१ औं खेलमा मुम्बई इन्डियन्सविरुद्ध दुई स्टम्प भाँचिदिएपछि भारतीय क्रिकेट बोर्ड (बिसिसीआई) लाई ७७ लाख नेपाली रुपैयाँ घाटा लागेको छ ।

मुम्बईलाई जितको लागि अन्तिम बलमा १६ रन चाहिँएको थियो । जसक्रममा तीव्र गतिका बलर अर्शदीप सिंहले पहिलो बल टिम डेविडलाई एक रन दिएका थिए । दोस्रो बलमा तिलक बर्मालाई डट राखेका थिए ।

अर्शदीपको तेस्रो फुल लेन्थको बलमा तिलक बर्मा बोल्ड आउट भएका थिए । अर्शदीपले बलमा बोल्ड हुनेक्रममा बीचको स्टम्प भाँचिएको थियो । लगत्तै अर्को बलमा नेहाल वधेरा पनि बोल्ड भए । त्यो बलमा पनि बीचको स्टम्प भाँचिएको थियो । जसक्रममा दुई स्टम्प भाँचिएको थियो ।

त्यसैको कारण बिसिसिआईलाई ७७ लाख नेपाली रुपैयाँ घाटा लाग्ने भएको छ । उक्त एक स्टम्पको मूल्य २४ लाख भारु पर्छ । दुई स्टम्प भाँचिदा ४८ लाख भारु (अर्थात झन्डै ७७ लाख नेपाली) रुपैयाँ) बिसिसिआईलाई घाटा लाग्ने भएको हो ।

उक्त स्टम्प बिसिसीआईले जिंग क्रिकेट विकेट स्ट्रम एलइडी कम्पनीबाट लिने गर्दछ । एलइडी स्टम्प क्रिकेटमा २०१२ देखि सुरु भएको हो । सबैभन्दा पहिला अष्ट्रेलिया बिग ब्यास लिग उक्त स्टम्प प्रयोग भएको थियो ।

अन्तर्राष्ट्रिय क्रिकेट परिषद् (आइसिसी) ले २०१४ को यू१९ विश्वकपमा पहिलो पटक प्रयोग गरेको थियो । आइपिएलमा भने २०१६ देखि प्रयोग गर्न थालिएको थियो ।