काठमाडौं – युएईले एसिसी प्रिमियर कपमा सिंगापुरविरुद्ध चार सय रन कटाएको छ । टियु क्रिकेट मैदानमा टस जितेर पहिला ब्याटिङको निम्तो पाएको युएईले ४६ ओभरमा ५ विकेट गुमाउँदै ४ सय १७ रन बनाएको छ । युएईका वृत्य अरविन्द १ सय २९ बलमा १७ चौका र ५ छक्कासहित १ सय ६० रनमा क्रिजमा छन् । उनलाई आयन खानले ४४ बलमा ७ चौका र १ छक्कासहित ५३ रनमा क्रिजमा छन् ।

युएईका कप्तान मोहम्मद वासिम ८२ बलमा १ सय ६० रन बनाउँदै आउट थिए । वासिम ८२ बलमा ९ चौका र १६ छक्कासहित १ सय ६० रनमा आउट भएका थिए । उनी आदित्य भर्गवको २८ औं ओभरमा पाँचौं बलमा थर्डम्यानमा मनप्रीत सिंहबाट क्याच आउट भएपछि दोहोरो शतकको अवसर गुमाएका थिए ।

वासिमले ३४ बलमा अर्धशतक पूरा गरेका थिए । ६२ बलमा शतक पूरा गरेका थिए । ७८ बलमा १ सय ५० रन पूरा गरेका थिए । दोस्रो विकेटका लागि वृत्य अरविन्द र मोहम्मद वासिमले दोस्रो विकेटका लागि २ सय ४६ रनको साझेदारी गरेका थिए ।

वृत्य अरविन्द ८४ बलमा १३ चौका र १ छक्कासहित ९२ रनमा क्रिजमा छन् । युवा ओपनर आर्यन लाक्रा ७ बलमा २ चौकासहित १२ रनमा आउट भए । रमिज शाहजाद शून्यमा आउट भए ।

आसिफ खान ११ र रोहन मुस्तफा ३ रनमा आउट भए । सिंगापुरका विनोथ भास्करन र आदित्य भर्गवले समान दुई विकेट लिएका छन् ।

युएईले पहिलो खेलमा कुवेतलाई १ सय ४३ रनले हराएको थियो । दोस्रो खेलमा हङकङसँग डकवर्थ लेविस पद्धतिको आधारमा ६७ रनले पराजित भएको थियो । शीर्ष दुईमा रहँदै सेमिफाइनल रहन बाँकी दुबै खेल जित्नुपर्ने हुन्छ ।