एजेन्सी – युएईले एसिसी प्रिमियर कपमा सिंगापुरविरुद्ध चौका र छक्काको वर्षा गराएपछि ५ सय माथिको योगफलको सम्भावना देखाएको छ । युएईले टियु मैदानमा चौका र छक्काको वर्षा गराएको छ । ६२ बलमा शतक हानेका वासिमले त्यसपछिको १६ बलमा ५० रन बनाउँदै ७८ बलम १ सय ५० रन बनाएका छन् ।

वासिम ८० बलमा ८ चौका र १६ छक्कासहित १ सय ५६ रनमा क्रिजमा छन् । वृत्य ७६ बलमा १२ चौकासहित ७८ रनमा क्रिजमा छन् ।

टियु क्रिकेटम मैदानमा टस जितेर पहिला ब्याटिङ रोजेको युएईले २७ ओभरमा १ विकेट गुमाउँदै २ सय ६१ रन बनाएको छ । दोस्रो विकेटका लागि वृत्य र वासिमले २ सय ३९ रनको साझेदारी गरि सकेका छन् ।

युएईले पहिलो खेलमा कुवेतलाई १ सय ४३ रनले हराएको थियो । दोस्रो खेलमा हङकङसँग डकवर्थ लेविस पद्धतिको आधारमा ६७ रनले पराजित भएको थियो ।

शीर्ष दुईमा रहँदै सेमिफाइनल रहन बाँकी दुबै खेल जित्नुपर्ने हुन्छ । युवा ओपनर आर्यन लाक्रा ७ बलमा २ चौकासहित १२ रनमा आउट भए ।

युएईको टोली :

मोहम्मद वासिम ९कप्तान०, आयन खान, आर्यन लाक्रा, आसिफ खान, जुनैद सिद्दिक, कार्तिक मयाप्पन, रमिज शाहजद, रोहन मुस्तफा, सन्चित शर्मा, वृत्य अरविन्द र जहुर खान ।