1 year ago
April 22, 2023
एजेन्सी – अन्तिम ओभरमा लगातार चार विकेट लिएसँगै साविक विजेता गुजरात जायन्ट्सले इन्डियन प्रिमियर लिग (आइपिएल) २०२३ को ३० औं खेलमा लखनऊ सुपर जायन्ट्सलाई नाटकीय रुपमा ७ रनले पराजित गरेको छ ।
जितको लागि १ सय ३६ रनको मध्यम विजयी लक्ष्य पछ्याएको लखनऊले निर्धारित २० ओभरमा ७ विकेट गुमाउँदै १ सय २८ रन बनायो । लखनऊका कप्तान लोकेश राहुलले ६१ बलमा ८ चौकासहित सर्वाधिक ६८ रन बनाए । राहुलको सुस्त गतिको रन नै लखनऊको हारको कारण बन्यो ।
लखनउले अन्तिम ६ ओभरमा २३ रन बनाउँदै ६ विकेट गुमाएपछि नाटकीय रुपमा पराजित भएको हो । लखनऊलाई जितको लागि अन्तिम ६ बलमा १२ रन चाहिँएको थियो । अनुभवी तीव्र गतिका बलर मोहित शर्माले चार विकेटसँगै चार रन दिएपछि गुजरात विजयी भएको हो ।
उनले पहिलो बलमा राहुललाई दुई रन दिए । दोस्रो बलमा राहुल जयन्त यादवबाट क्याच आउट भए । तेस्रो बलमा मार्कस स्टोइनिस डेविड मिलरबाट क्याच आउट भए । चौथो बलमा आयुश बदोनी दुई रन बटुल्ने धुनमा रन आउट भए । पाँचौं बलमा दीपक हुँडा एक रन लिनेक्रममा रन आउट भए । दुई रन आउटसहित लगातार चार विकेट लिएपछि गुजरातले जित पक्का बनाएको थियो । अन्तिम बलमा रवि विश्रोईलाई डट राख्दै मोहित शर्माले जित पक्का गराए ।
ओपनर काइल मेयर्स १९ बलमा २ चौका र १ छक्कासहित २४ रनमा आउट भए । मेयर्स स्पिनर राशिद खानको बलमा बोल्ड आउट भएका थिए । क्रुनाल पान्ड्या २३ बलमा २ चौका र १ छक्कासहित २३ रनमा आउट भए । उनी स्पिनर नुर अहमदको बलमा स्टम्पिङ आउट भएका थिए ।
गुजरातका नुर अहमदले ४ ओभरमा १८ रन खर्चेर २ विकेट लिए । राशिद खानले ४ ओभरमा ३३ रन खर्चेर १ विकेट लिए । मोहित शर्माले ४ ओभरमा १७ रन खर्चेर २ विकेट लिए ।
त्यसअघि टस जितेर पहिला ब्याटिङ थालेको गुजरातले निर्धारित २० ओभरमा ६ विकेट गुमाउँदै १ सय ३५ रन बनाएको थियो । गुजरातको जितमा कप्तान हार्दिक पान्ड्याले ५० बलमा २ चौका र ४ छक्कासहित सर्वाधिक ६६ रनमा आउट भए । ओपनर ऋद्धिमान शाह ३७ बलमा ६ चौकासहित ४७, शुभमन गिल डक, अभिनव मनोहर ३, विजय शंकर १० र डेविड मिलर ६ रनमा आउट भए ।
लखनऊका क्रुनाल पान्ड्याले ४ ओभरमा १६ रन खर्चेर २ विकेट लिए । मार्कस स्टोइनिसले ३ ओभरमा २० रन खर्चेर २ विकेट लिए । नविन उल हक र अमित मिश्राले समान एक विकेट लिए । गुजरात ६ खेलमा ४ मा जित र २ मा हारसहित ८ अंकका साथ चौथो स्थानमा छ । लखनऊ ७ खेलमा ४ मा जित र ३ मा हारसहित ८ अंकका साथ दोस्रो स्थानमा छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]