काठमाडौं (हाम्रो खेलकुद) – नेपालका कप्तान रोहित पौडेल एसिसी प्रिमियर कपमा ओमानविरुद्ध आउट भएका छन् । तीव्र गतिका बलर फैयज बटको १८ औं ओभरको पहिलो बलमा लग साइडमा गाइड गर्न खोजेपनि टप एज लागेर प्वाइन्टमा कश्याप प्रजापतिबाट क्याच आउट भए । फैयजको यो पहिलो बल थियो ।

दुबै ओपनर खाता नखोल्दै आउट भएपनि तेस्रो विकेटका लागि रोहित र भीम सार्कीले ५४ रनको साझेदारी गर्दै इनिङ सम्हाल्लेका थिए ।

टियु मैदानमा टस हारेर पहिला ब्याटिङको निम्तो पाएको नेपालले १८ ओभरमा ३ विकेट गुमाउँदै ५९ रन बनाएको छ । नेपालका भीम सार्की ५१ बलमा ४ चौका र १ छक्कासहित ३१ रनमा क्रिजमा छन् । उनलाई आरिफ शेखले ५ रनमा साथ दिएका छन् ।

नेपालले पहिलो रन २८ औं बलमा जोडेको थियो । सुरुवाती २७ बल सम्म नेपालले दुबै ओपनरमा गुमाउँदै कुनैपनि रन जोडेको थिएन । नेपालले तेस्रो ओभरको दोस्रो बलमा ओपनर कुशल भुर्तेललाई खाता नखोल्दै गुमाएको थियो ।

टियु एण्डबाट आएका तीव्र गतिका बलर बिलाल खानको बलमा कुशल एलबीडब्लू आउट भएका थिए । चोभार एण्डबाट आएका कलिमुल्लाहको चौथो ओभरको चौथो बलमा आसिफ शेख बोल्ड आउट भए । आसिफले १० र कुशलले ८ बल खेल्दा रन जोड्न सकेनन् ।