एजेन्सी – विराट कोहलीले इन्डियन प्रिमियर लिग (आइपिएल) २०२३ को २७ औं खेलमा रोयल च्यालेन्जर्स बेंगलोरबाट पन्जाब किंग्सविरुद्ध कप्तानी गर्ने भएका छन् । नियमित कप्तान फाफ डु प्लेसिस पूर्ण रुपमा फिट नभएपछि पूर्वकप्तान विराट कोहलीले उक्त नेतृत्व गरेका हुन् ।

मोहालीमा भएको टसमा पन्जाबका साम करनले जितेर पहिला फिल्डिङ गर्ने निर्णय लिएका छन् । फाफ डु प्लेसिसले फिल्डिङ नगरेपनि ब्याटिङ गर्नेछन् । डु प्लेसिस इम्प्याक्ट प्लेयरको रुपमा खेल्ने विराट कोहलीले जनाएका छन् । उनले तीव्र गतिका बलर विजयकुमार वैश्यकको स्थान लिनेछन् ।

उता पन्जाबमा स्टार अलराउन्डर लियाम लिभिङटोन टोलीमा फर्किएका छन् । लिभिङस्टोन टोलीमा फर्किदा पन्जाबको मध्यक्रम मजबुत बन्नेछन् । त्यस्तै तीव्र गतिका बलर नाथन एलिस पनि आजको खेलमा टोलीमा छन् ।

पन्जाबको प्लेइङ ११ : अथर्व टैड, म्याथ्यु सर्ट, हरप्रति सिंह भाटिया, लियाम लिभिङस्टोन, साम करन(कप्तान), जितेश शर्मा(विकेटकिपर), शाहरुख खान, हरप्रीत ब्रार, नाथन एलिस, राहुल चाहर र अर्शदीप सिंह ।

बेंगलोरको प्लेइङ ११ : विराट कोहली(कप्तान), फाफ डु प्लेसिस (इम्प्याक्ट), महिपाल लोमरोर, ग्लेन म्याक्सवेल, शहबाज अहमद, दीनेश कार्तिक, वानिन्दु हसरंगा, सूयश प्रभूदेशाई, हर्षल पटेल, वायन पार्नेल र मोहम्मद शिराज ।