काठमाडौं (हाम्रो खेलकुद) – नेपालले अभ्यास खेलमा ओमानविरुद्ध टस जितेर पहिला फिल्डिङ गर्ने निर्णय लिएकोछ । टियु मैदानमा भएको टसमा नेपालका कप्तान रोहित पौडेलले टस जितेर पहिला फिल्डिङ गर्ने निर्णय लिएका छन् ।
यो अभ्यास खेल हुँदा टोलीमा रहेका कुनैपनि ब्याटर र बलरले खेल्न सक्छन् । त्यसैले प्लेइङ ११ भन्ने हुँदैन ।

खेल ५०–५० ओभरको हुनेछ । नेपालले एसिसी प्रिमियर कप अघि अभ्यास खेल खेल्न लागेको हो । अभ्यास खेल हुँदा दुबै टोली प्रिमियर कप अघि आफ्नो उत्कृष्ट टोली टुङ्गो लगाउन खोज्नेछन् । आफ्नो उत्कृष्ट प्लेइङ–११ निर्धारण गर्ने यो अन्तिम अवसर हो । अभ्यास खेल हुँदा नेपालले टोलीमा कसलाई खेलाउछ भन्न सकिदैन ।

बन्द प्रशक्षणमा रहेका २१ सदस्य टोलीबाट आवश्यकता अनुसार खेलाडी प्रयोग गर्नेछ । अभ्यास खेल हुँदा प्लेइङ ११ नभएर टोलीका जुनसुकै खेलाडीलाई खेलाउन सक्छ । यो खेलले कुनैपनि अन्तर्राष्ट्रिय मान्यता पाउने छैन । ओमान १४ सदस्य टोली खेलाउनेछ ।

ओमनका अकिब इलियास टोलीमा फर्किएका छन् । तीन वर्षअघि लिग२ मा अकिबले नेपाल र अमेरिकाविरुद्ध लगातार शतक हानेका थिए । १६ महिनापछि टोलीमा फर्किएका अकिबलाई प्रिमियर कप अघि यो राम्रो अवसर हो ।

नेपालको टोली :

कुशल भुर्तेल, आसिफ शेख, ज्ञानेन्द्र मल्ल, रोहित पौडेल, कुशल मल्ल, आरिफ शेख, दीपेन्द्रसिंह ऐरी, गुलशन झा, सोमपाल कामी, करण केसी, सन्दीप लामिछाने, भीम सार्की, प्रतिश जि।सी।, ललित राजवंशी, सन्दीप जोरा, मौसम ढकाल, कमलसिंह ऐरी, अर्जुन साउद, सूर्य तामाङ, किशोर महतो र देव खनाल ।

ओमानको टोली :

जिशान मकसुद, अकिब इलियास ९उपकप्तान०, जय ओडेडेरा, कलिमुल्लाह, शोएब खान, कश्याप प्रजापति, अदिल शफिक ९विकेटकिपर०, जतिन्दर सिंह, मोहम्मद नदिम, सन्दीप गौड, बिलाल खान, आयन खान, नसिम खुसी र फैज बुट ।