1 year ago
April 10, 2023
काठमाडौं (हाम्रो खेलकुद) – स्टार अलराउन्डर अकिब इलियासलाई समेट्दै ओमानले एसिसी प्रिमियर कप खेल्ने १४ सदस्य टोली घोषणा गरेको छ । आइसिसी विश्वकप लिग-२ मा घरेलु टोली नेपालविरुद्धका शतकधारी अकिब १६ महिनापछि ओमानको टोलीमा फर्किएका छन् ।
उनी बोन ट्युमरको कारण अकिब २०२१ नोभेम्बर देखि ओमानको टोलीमा छैनन् । उनको आगमनले ओमानको टोली थप मजबुत हुनेछ । अकिबले १७ ओडिआई खेलमा २ शतक र ५ अर्धशतकसहित कुल ८ सय १२ रन बनाउनुको साथै १९ विकेट लिएका छन् ।
आइसिसी विश्वकप लिग–२ मा अकिबले नेपालविरुद्ध २०२० फेब्रुअरी ९ मा चार विकेट लिनुको साथै १ सय ९ रनको सानदार शतकीय इनिङ खेलेका थिए । उनको शतकको सहयोगमा ओमानले २ सय ५० रनको लक्ष्य ४७.२ ओभरमा २ विकेट गुमाउँदै पूरा गरेको थियो । लगत्तै अर्को खेलमा अकिबले अमेरिकाविरुद्ध टियुमा नै १ सय ५ रन बनाएका थिए । उनको आगमनले ओमानको टोली सन्तुलनमा ठूलो प्रभाव पार्नेछ ।
अकिब र जतिन्दर सिंहले ओमानको ओपनिङ सम्हाल्ने छन् । शीर्षक्रम ब्याटिङ मजबुत हुनेछ । ओमानले विकेटकिपर अदिल अहमद शफीकलाई पहिलो पटक टोलीमा समेटको छ । अनक्याप्ड अदिलसँग इंग्ल्यान्डमा घरेलु क्रिकेट खेलेका अनुभव छ । भारतीय मुलका स्पिनर अलराउन्डर जय ओडेरलाई पनि नेपाल भ्रमणमा टोलीमा समेटेको छ ।
ओमानको ब्याटरको रुपमा जिशान मकसुद, जतिन्दर सिंह, अकिब इलयास, कश्याप प्रजापति र शोएब खान छन् । अनुभवी तीव्र गतिका बलर बिलाल खान पनि टोलीमा छन् । ओमानले एसिसी प्रिमियर कप अघि चैत्र ३० (अप्रिल १३ मा) मा बहराइन र वैशाख २(अप्रिल १५) मा नेपालसँग अभ्यास खेल खेल्नेछ ।
एसिया कप १८ अप्रिल देखि १ मे सम्म टियु र मुलपानी मैदानमा हुनेछ । समूह ए मा नेपाल, ओमान, कतार, मलेसिया र साउदी अरेविया छन् । समूह बी मा हङकङ, युएई, कुवेत, सिंगापुर र बहरान छन् । हरेक समूहबाट शीर्ष दुई टोली सेमिफाइनलमा पुग्नेछन् । विजेता टोलीले एसिया कपमा भारत र पाकिस्तानसँग खेल्न पाउनेछ । ओमान पहिलो पटक एसिया कप खेल्ने सोचमा हुनेछ ।
ओमान र नेपालबीच वैशाख ८ (अप्रिल २१) मा टियु मैदानमा ओडिआई मान्यता खेल हुनेछ । प्रिमियर कप उपाधि दाबेदार यी दुईबीचको नतिजाले समूह ए को विजेता र उपविजेता निर्धारण हुने अनुमान गरिएको छ । ओमानले पहिलो खेल १९ अप्रिलमा मुलपानी मैदानमा कतारसँग खेल्दै सुरुवात गर्नेछ ।
नेपालसँग टियुमा खेलेपछि ओमानले अप्रिल २३ मा मुलपानीमा मलेसियासँग खेल्नेछ । २६ अप्रिलमा ओमानले टियु मैदानमा साउदी अरेवियासँग खेल्नेछ ।
ओमानको टोली :
जिशान मकसुद (कप्तान), अकिब इलियास (उपकप्तान), जय ओडेडेरा, कलिमुल्लाह, शोएब खान, कश्याप प्रजापति, अदिल शफिक (विकेटकिपर), जतिन्दर सिंह, मोहम्मद नदिम, सन्दीप गौड, बिलाल खान, आयन खान, नसिम खुसी (विकेटकिपर) र फैज बुट ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]