एजेन्सी – मुम्बई इन्डियन्सले इन्डियन प्रिमियर लिग (आइपिएल) २०२३ को १२ औं खेलमा चेन्नई सुपर किंग्सलाई १ सय ५८ रनको मध्यम लक्ष्य दिएको छ । घरेलु मैदान वानखडेमा टस हारेर पहिला ब्याटिङको निम्तो पाएको मुम्बईले निर्धारित २० ओभरमा ८ विकेट गुमाउँदै १ सय ५७ रन बनायो ।

मुम्बईका ओपनर ईशान किशनले २१ बलमा ५ चौकासहित सर्वाधिक ३२ रन बनाए । टिम डेविडले २२ बलमा १ चौका र २ छक्कासहित २१ रन बनाए । ओपनर रोहित शर्मा र ईशानले पहिलो विकेटका लागि ४ ओभरमा ३८ रनको साझेदारी गर्दै राम्रो सुरुवात दिलाएका थिए ।

तुषार देशपान्डेले रोहितलाई २१ रनमा बोल्ड गरे । रोहितले १३ बलमा ३ चौका र १ छक्का प्रहार गरो । रविन्द्र जडेजाले क्यामरन ग्रीनलाई १२ रनमा कट एण्ड बोल्ड गरे । स्पिनर मिचेल सान्टनरको बलमा सूर्यकुमार यादव एक रनमा धोनीबाट क्याच आउट भएपछि समस्यामा परेको थियो ।

तिलक बर्मा १८ बला २ चौका र १ छक्कासहित २२, अर्शद खान २ र ट्रिस्टन स्टब्सले ५ रन बनाए । हृथिक शोकीन १३ बलमा ३ चौकासहित १८ र पियुष चवला ५ रनमा अविजित रहे । टि२० विशेष खेलाडी भएपनि धोनीको कप्तानी सामु कुनैपनि ब्याटर लामो समय टिक्न सकेनन् । बलर परिवर्तन र लगातार विकेट लिन धोनीको कप्तानी पनि उत्कृष्ट रह्यो ।

चेन्नईका रविन्द्र जडेजाले ४ ओभरमा २० रन खर्चेर ३ विकेट लिए । मिचेल सान्टनारले ४ ओभरमा २८ रन खर्चेर २ विकेट लिए । तुषार देशपान्डेले ३ ओभरमा ३१ रन खर्चेर २ विकेट लिए । सिसान्डा मगलाले एक विकेट लिए ।