1 year ago
April 5, 2023
एजेन्सी – श्रीलंकाका कप्तान दासुन शानकाले इन्डियन प्रिमियर लिग (आइपिएल) २०२३ गुजरात टाइटन्सबाट खेल्ने भएका छन् । गुजरातले घाइते केन विलियम्सनको स्थानमा शानकालाई ल्याउने निर्णय गरेको छ । उनले ५० लाख भारु पाउनेछन् । गत अक्सनमा न्यूनतम ५० लाख भारु राखेपनि उनलाई कसैले किनेका थिएनन् ।
नियम अनुसार खेलाडी घाइते भएमा उसको स्थान लिने खेलाडी अक्सनमा नबिकेको न्यूनतम मूल्य पाउँछ । उनी न्युजिल्यान्डसँगको तीन टि२० आई खेलको सिरिज शनिबार सकिएपछि मात्रै गुजरातको टोलीमा जोडिनेछन् ।
विलियम्सन पहिलो खेलमै शुक्रकार चेन्नई सुपर किंग्सविरुद्ध १३ औं ओभरमा ऋतुराज गायकवाडले हानेको छक्का बचाउने क्रममा घाइते भएका थिए ।
दायाँ खुट्टाको घुँडामा चोटपछि विलियम्सन प्रतियोगिताबाट बाहिरिएका थिए । भारतविरुद्ध लगातार सानदार प्रदर्शन गर्दै आएका फिनिसर तथा म्याच विनर स्टार अलराउन्डर शानकाले पहिलो पटक आइपिएल खेल्नेछन् । आक्रामक ब्याटिङका लागि चर्चित उनले मध्य गतिमा बलिङ गर्ने गर्दछन् ।
गत जनवरीमा भारतलाई दोस्रो टि२० आई खेलमा १६ रनले हराउन शानकाले २२ बलमा २ चौका र ६ छक्कासहित ५६ रनको विष्फोटक इनिङ खेलेका थिए । उक्त सिरिजमा उनले ४६, ५६ र २३ रन जोडेका थिए ।
त्यसै सिरिजमा भारतविरुद्ध पहिलो ओडिआई खेलमा शानकाले ८८ बलमा १२ चौका र ३ छक्कासहित १ सय ८ रनको अविजित शतकीय इनिङ खेलेका थिए । गतवर्ष घरेलु टोली भारतविरुद्ध तीन खेलको टि२० आई सिरिजमा उनले ३, ४७ र ७४ रन जोडेका थिए ।
गत वर्ष एसिया कपको उपाधि श्रीलंकालाई जिताउन उनको पदर्शन निकै महत्वपूर्ण थियो । उनले १८ बलमा ४ चौका र १ छक्कासहित ३३ रन बनाउनुको साथै २ विकेट लिएपछि भारत एसिया कपमा फाइनल यात्राबाट बाहिरिएको थियो । उनी फिनिसरको लागि चिनिन्छन् । भरपर्दा अलराउन्डर हुन् । श्रीलंकाबाट राम्रो कप्तानी पनि गर्दै आएका छन् ।
शानकाले श्रीलंकाबाट ६ टेस्ट, ५० ओडिआई र ८७ टि२० आई खेल खेलेका छन् । उनले १ सय ८१ टि२० खेलमा ३ शतक र १५ अर्धशतकसहित कुल ३ हजार ७ सय २ रन बनाएका छन् । उनको आगमनले गुजरात झनै बलियो बन्नेछ । गुजरातले सुरुवाती दुई खेलमा दिल्ली क्यापिटल्स र चेन्नई सुपर किंग्सलाई पराजित गरेको छ ।
गुजरातमा राशिद खान, जोशुवा लिटिल, डेविड मिलर, म्याथ्यु वेड, अल्जारी जोशेफ, शानका, ओडेन स्मिथ र नुर अहमद विदेशी खेलाडीको रुपमा छन् । शानका म्याच विनर अलराउन्डर हुदा पहिलो रोजाईमा खेल्नेछन् ।
गुजरातले चार विदेशी खेलाडीको रुपमा राशिद खान, शानका, डेविड मिलर र अल्जारी जोशेफलाई खेलाउने सम्भावना छ । इम्प्याक्ट प्लेयरको रुपमा ब्याटिङ र बलिङमा एक खेलाडी परिवर्तन गर्न सक्छ ।
July 2, 2024
सुशिल पन्त क्षेत्री, चितवनक्रिकेटर सन्दीप लामिछाने गृह जिल्ला चितवनमा समानित भएका छन् । सन्दीपलाई मंगलबार विभिन्न संस्थाले नगदसहित सम्मान गरेका हुन् । चितवन क्रिकेट संघ र सेन्ट्रल कलेज अफ भोकेसनल ट्रेनिङ प्रालिले उनलाई १ लाख रुपैयाँसहित सम्मान गरेको छ । सेन्ट्रल टावरमा आयोजित एक कार्यक्रमका बीच उनलाई सम्मान गरिएको हो । नेपाली क्रिकेटमा पुर्याएको योगदान […]
July 1, 2024
एजेन्सी – भारतीय क्रिकेट टोलीका अल राउन्डर रविन्द्र जडेजाले टि ट्वान्टी आई क्रिकेटबाट सन्न्यास लिएका छन्। भारतले शनिबार दक्षिण अफ्रिकालाई ७ रनले हराउँदैटि ट्वान्टीबाट विश्वकपको उपाधि जितेको थियो। त्यसपछि स्टार ब्याटर विराट कोहली र त्यसपछि कप्तान रोहित शर्माले टि ट्वान्टी आईबाट सन्न्यासको घोषणा गरेका थिए। त्यसपछि जडेजाले पनि टि ट्वान्टी आईबाट सन्न्यास लिएको घोषणा गरेका […]
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]