2 years ago
April 2, 2023
एजेन्सी – अमेरिकाले आइसिसी विश्वकप क्वालिफायर प्लेअफ खेलमा पपुवा न्युगिनीलाई १ सय १७ रनले हराउँदै विश्वकप छनोट नजिक पुगेको छ । तेस्रो जितका साथ शीर्ष स्थानमा उक्लिदै विश्वकप छनोटदेखि एक जित टाढा छ।
जितको लागि २ सय ३६ रनको मध्यम विजयी लक्ष्य पछ्याएको पपुवा न्युगिनी ३४.५ ओभरमा १ सय १८ रनमा अल आउट भयो । पपुवा न्युगिनीका कप्तान असद भालाले ७२ बलमा ३ चौकासहित सर्वाधिक ४२ रन बनाए । ओपनर टोनी उरा १५, चाल्स अमिनी १४ र राइली हेकुरेले ११ रन बनाए । अन्य कुनैपनि ब्याटरले दोहोरो अंकमा रन बनाउन सकेनन् ।
अमेरिकाका गजानन्द सिंहले ६.५ ओभरमा १ मेडनसहित १५ रन खर्चेर सर्वाधिक ४ विकेट लिए । अली खानले ६ ओभरमा ३१ रन खर्चेर ३ विकेट लिए । निसर्ग पटेलले ८ ओभरमा ३१ रन खर्चेर २ विकेट लिए ।
त्यसअघि विन्डहोकमा टस जितेर पहिला ब्याटिङ थालेको अमेरिकाले ५० ओभरमा ७ विकेट गुमाउँदै २ सय ३५ रन बनाएको थियो । अमेरिका ओपनर स्टिभ टेलरले १ सय ३३ बलमा ६ चौका र १ छक्कासहित ८१ रनको संयमित इनिङ खेले ।
आरोन जोन्स ७७ बलमा २ चौका र ३ छक्कासहित ६५, जेसी सिंह २२, सुशान्त मोदानी १० र गजानन्द सिंह १७ रनमा आउट भए । पपुवा न्युगिनीका सेमो कमियाले १० ओभरमा २ मेडनसहित ३२ रन खर्चेर ३ विकेट लिए । असद भालाले दुई र राइली हकुरेलले एक विकेट लिए ।
अमेरिका ४ खेलमा ३ मा जित र १ मा हारसहित ६ अंकका साथ शीर्ष स्थानमा छ । अमेरिकाले अन्तिम खेल मंगलबार जर्सीसँग खेल्नेछ । उक्त खेलमा विजयी भएमा अमेरिका आगमी जुन जुलाईमा जिम्बाबेमा हुने विश्वकप छनोटमा पुग्नेछ । यदि पराजित भएमा भने अन्य टोलीको नतिजा र नेटरनरेटमा निर्भर रहनुपर्ने हुन्छ ।
नामिबिया ३ खेलमा २ मा जित र १ मा हारसहित ४ अंकका साथ दोस्रो स्थानमा छ । क्यानडा ३ खेलमा २ मा जित र १ मा हारसहित ४ अंकका साथ तेस्रो स्थानमा छ । युएई समान खेल र नतिजाका साथ ४ अंक भएपनि नेटरनरेटको कारण चौथो स्थानमा छ । जर्सी ३ खेलमा १ मा जित र २ मा हारसहित २ अंकका साथ पाँचौं स्थानमा छ । पपुवा न्युगिनी ४ खेलमा जित विहीन हुँदै विश्वकप छनोट यात्राबाट बाहिरिएको छ ।
प्रतियोगितामा नामिबिया, अमेरिका, जर्सी, क्यानडा, पपुवा न्युगिनी र युएई छन् । शीर्ष दुई टोलीले आगमी जुन जुलाईमा जिम्बावेमा हुने विश्वकप छनोट खेल्न पाउनेछन् । विश्वकप छनोटमा लिग २ मा शीर्ष तीन टोली नेपाल, ओमान र स्कटल्यान्डसँगै सुपर लिगका पुछारका पाँच र प्लेअफका शीर्ष दुई टोली गरि कुल १० टोली हुनेछन् ।
१० टोलीलाई दुई समूहमा विभाजन गरिनेछन । सुपर सिक्स हुँदै शीर्ष दुई टोलीले आगमी अक्टोबर नोभेम्बरमा भारतमा हुने विश्वकप खेल्न पाउनेछन् ।
त्यस्तै यस प्लेअफ प्रतियोगिताबाट जर्सी, क्यानडा, युएई र पपुवा न्युगिनी मध्य दुई टोलीले ओडिआई मान्यता पाउनेछन् । यी चार टोलीबीचको प्रतिस्पर्धाबाट शीर्ष दुई स्थानमा रहने टोलीले ओडिआई मान्यता पाउनेन् ।
ओडिआई मान्यताको लागि यी चार टोलीको एक अर्काको जित र हार मात्रै हेरिनेछ । अर्थात नामिबिया र अमेरिकासँगको हारले ओडिआई मान्यता प्राप्त गर्न ती चार टोलीलाई कुनै असर गर्नेछैन । नामिबिया र अमेरिकाले लिग २ बाट नै ओडिआई मान्यता पाएका थिए ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]