मधेशलाई ललितपुरको प्रतिस्पर्धात्मक लक्ष्य

एजेन्सी – ललितपुर मेयर्स-११ ले ललितपुर मेयर्स वुमन्स च्याम्पियनसिप प्रतियोगिताको सातौं खेलमा मधेश प्रदेशलाई ९७ रनको प्रतिस्पर्धात्मक लक्ष्य दिएको छ ।

टियु क्रिकेट मैदानमा टस जितेर पहिला ब्याटिङको निम्तो पाएको ललितपुरले निर्धारित २० ओभरमा ५ विकेट गुमाउँदै ९६ रन बनायो । ललितपुरकी सोनी पाख्रिनले ४३ बलमा ३ चौकासहित सर्वाधिक ३४ रन बनाइन् । विकेटकिपर लक्ष्मी चौधरी २७ बलमा ४ चौकासहित २३ तथा सृष्टी जैशी १८ बलमा १ चौकासहित १५ रनमा आउट भइन् ।

हेलिसा गुरुङ १, कन्चन श्रेष्ठ ५ रनमा आउट हुँदा अस्मिना कर्माचार्य ६ रनमा अविजित रहिन् । मधेशकी सरस्वती कुमारी चौधरीले ४ ओभरमा १ मेडनसहित ९ रन खर्चेर २ विकेट लिइन् । कविता गौतम, रोजी कडारी र अनुराधा चौधरीले एक एक विकेट लिइन् ।

एपिएफ ३ खेलमा ६ अंकका साथ फाइनलमा पुगि सकेको छ । सुदूरपश्चिम प्रदेश ३ खेलमा २ मा जित र १ मा हारसहित ४ अंकका साथ दोस्रो स्थानमा छ । कोशीले २ खेलमा १ मा जित र १ मा हारसहित २ अंकका साथ तेस्रो स्थानमा छ । कोशी र सुदूरमध्य एक टोली फाइनलमा पुग्नेछन् ।

मधेशलाई ललितपुरको प्रतिस्पर्धात्मक लक्ष्य

Latest News

Popular News

क्रिकेट

क्यानले उपाध्यक्ष सिंहसहित ४ जनालाई स्पष्टीकरण सोध्ने

क्रिकेटर अप्सरी निलम्बनमा

आदिलको निलम्बन फुकुवा प्रक्रिया अघि बढ्यो

चर्चित खेलहरु:

उपयोगी लिङ्कहरू

सम्पर्क

सामाजिक संजाल