काठमाडौं (हाम्रो खेलकुद) – नेपाली क्रिकेट टोलीका पूर्व कप्तान पारस खड्का सम्मिलित एसिया लायन्सले लेजेन्ड्स क्रिकेट लिगमा वर्ल्ड जायन्ट्सविरुद्ध पहिला ब्याटिङ गर्दैछ । दोहामा भएको टसमा जायन्ट्सका कप्तान आरोन फिन्चले टस जितेर पहिला फिल्डिङ गर्ने निर्णय लिएका हुन् । फिन्चले फिल्डिङ गर्ने निर्णय लिएपछि पारस सम्मिलित एसिया लायन्सले पहिला पहिला ब्याटिङ गर्दैछ ।

एसियाको प्लेइङमा नेपालका पारस खड्काले निरन्तरता पाएका छन् । खेल नेपाली समय अनुसार बेलुका ८ : १५ मा दोहामा सुरु हुनुपर्ने थियो । तर आउटफिल्ड झिजेको कारण खेल निर्धारित समय भन्दा ढिलो सुरु भएपछि १०-१० ओभरमा झारिएको थियो ।

दुवै टोली लगातार दोस्रो जितको सोचमा छन् । एसिया लायन्सले पहिलो खेलमा इन्डिया महाराजसलाई ९ रनले हराएको थियो । जायन्ट्सले इन्डियालाई २ रनले हराएको थियो । पारसले पहिलो खेलमा भारतविरुद्ध २ बलमा ३ रन बनाएका थिए । एसियाले आज पनि पारसलाई मौका दिने सम्भावना छ ।

इन्डियालाई हराउन एसिया लायन्सका मिस्बाह उल हकले ५० बलमा २ चौका र ४ छक्कासहित ७३ रनको उत्कृष्ट इनिङ खेलेका थिए । ओपनर तिलकरत्ने दिलशनबाट एसिया उत्कृष्ट सुरुवात चाहन्छ । कप्तान शाहिद अफ्रिदी टोलीका प्रमुख हतियार हुन् ।

एसियाको प्लेइङ ११ : उपुल थरंगा, तिलकरत्ने दिलशान, मिस्बाह उल हक, अस्गर अफघान, सोहेल तनविर, अब्दुर रजाक, शाहिद अफ्रिदी, पारस खड्का, थिसेरा परेरा, मोहम्मद हफिज र अब्दुल रजाक ।

जायन्ट्सको प्लेइङ ११ : रिचर्डो पावेल, शेन वाटसन, लेन्डल सिमन्स, आरोन फिन्च, मोर्ने भान, रस टेलर, केभिन ओ ब्रायन, ज्याकक्विस क्यालिस, क्रिस गेल, मन्टी पनेसार र पल कलिङवुड ।