काठमाडौं (हाम्रो खेलकुद) – नेपालका ओपनर आसिफ शेख ओडिआई क्रिकेटमा नेपालबाट सर्वाधिक छिटो अर्धशतक प्रहार गर्ने ब्याटर बनेका छन् । आसिफले आइसिसी विश्वकप लिग–२ त्रिकोणात्मक ओडिआई सिरिजमा पपुवा न्युगिनीविरुद्ध २१ बलमा ८ चौका र ३ छक्कासहित ५३ रनमा अविजित रहे ।

आसिफले चाद सोपरलाई आठौं ओभरको चौथो बलमा चाद सोपरलाई छक्का हान्दै २१ बलमा अर्धधशतक पूरा गरेका थिए । आसिफले चाद सोपरलाई आठौं ओभरमा पहिलो र दोस्रो बलमा चौका तथा तेस्रो र चौथो बलमा छक्का हान्दै २१ बलमा अर्धशतक पूरा गरेका थिए ।

त्यसअघिको ओभरमा भने आसिफ १७ बलमा ३३ रनमा खेलेका थिए । नेपालले मात्रै ३.२ ओभरमा ५० रन पूरा गरेको थियो ।जुन नेपालबाट ओडिआईमा एक ब्याटरले बनाएको सर्वाधिक छिटो अर्धशतक बनेको हो । यसअघि नेपालबाट सोमपाल कामीले २०१८ मा नेदरल्यान्ड्सविरुद्ध दोस्रो ओडिआई खेलमा ३८ बलमा अर्धशतक पूरा गरेका थिए । उक्त कीर्तिमान आसिफले तोडेका हुन् ।

ओडिआईमा विश्व क्रिकेटमा सर्वाधिक छिटो अर्धशतक भने दक्षिण अफ्रिकाका पूर्व ब्याटर एवि डिभिलिर्यले २०१५ मा वेस्टइन्डिजविरुद्ध १६ बलमै अर्धशतक प्रहार गरेका थिए । त्यस्तै टि२० आईमा भारतीय ब्याटर युवराज सिंहको नाममा छ । युवराज सिंहले २००७ मा इंग्ल्यान्डविरुद्ध १२ बलमा अर्धशतक पूरा गरेका थिए ।

अन्तर्राष्ट्रिय क्रिकेटमा नेपालबाट सर्वाधिक छिटो अर्धशतक भने ज्ञानेन्द्र मल्लको नाममा छ । ज्ञानेन्द्र मल्लले २०२० मा मलेसियाविरुद्ध टि२० आईमा २० बलमा अर्धशतक पूरा गरेका थिए । आसिफको यो ओडिआई करिअरको आठौं अर्धशतक हो ।

त्यस्तै रोहित पौडेलले नेपालबाट ओडिआईमा ८, ज्ञानेन्द्र मल्लले ७, कुशल भुर्तेल, कुशल मल्ल र आरिफ शेखले ४–४ अर्धशतक प्रहार गरेका छन् । दीपेन्द्रसिंह ऐरीले ३, पारस खड्का र देव खनालले २–२ अर्धशतक प्रहार गरेका छन् ।