एजेन्सी – आइसिसी विश्वकप लिग–२ त्रिकोणात्मक ओडिआई सिरिज अन्तर्गत नेपाल खेल्न आउने युएई टोलीले दुई नयाँ अनुहारलाई मौका दिएको छ । मध्यक्रम ब्याटिङमा लगातार खराब प्रदर्शनपछि युएईले दुई ब्याटरलाई पहिलो पटक मौका दिएको हो ।

मोहम्मद वासिमको कप्तानीमा युएईले १४ सदस्य टोली घोषणा गरेको हो । घोषणा टोलीमा टोलीमा १८ वर्षीय आर्यंश शर्मा र २१ वर्षीय अश्वन्त वल्थापा पहिलो पटक टोली परेका छन् ।

शर्माले युएईबाट यू-१९ टोलीबाट खेलि सकेका छन् । वल्थापापनि यूएईको टोली प्रतिनिधित्व गरेका छन् । त्यस्तै टोलीमा जवार फरिद पनि फर्किएका छन् । एलिशान शराफु, राहुल भाटिया र सबिर अली युएईको टोलीबाट बाहिरिएका छन् ।

युएईको मध्यक्रम ब्याटिङ वर्तमान समयको सबैभन्दा ठूलो समस्या हो । त्यसैको कारण दुई ब्याटरलाई टोलीमा मौका दिएको छ । युएई ३२ खेलमा ३२ खेलमा १४ मा जित र १५ मा हारसहित ३१ अंकका साथ छैटौं स्थानमा छ । युएईलाई शीष पाँचमा रहँदै सोझै ओडिआई मान्यता प्राप्त गर्न बाँकी चार मध्य तीन खेल जित्नुपर्ने हुन्छ।

युएईले घरेलु मैदानमा चार मध्य तीन खेल हारेपछि समस्यामा परेको हो । पपुवा न्युगिनीसँग दुवै खेल हारेको थियो । नेपालसँग एक खेलमा जित र एक हार व्येहोरेको थियो । युएईले पहिलो १० मार्चमा पपुवा न्युगिनीसँग खेल्दै सुरुवात गर्नेछ । १२ मार्चमा नेपाल, १५ मार्चमा पपुवा न्युगिनी र १६ मार्चमा नेपालसँग खेल्नेछ ।

यो आइसिसी विश्वकप लिग–२ को अन्तिम सिरिज समेत हो । युएई आज नै नेपाल आउँदैछ । नेपाल टोली पनि आज साँझ स्वदेश आइपुग्नेछ ।

युएईको टोली :

मोहम्मद वासिम (कप्तान), आयन खान, आर्यन लक्रा, अश्वन्त वल्थापा, आसिफ खान, अर्यांश शर्मा, सिपी रिजवान, हजरत बिलाल, जुनैद सिद्धिक, कार्तिक मयाप्पन, रोहन मुस्तफा, वृत्य अरविन्द, जहुर खान र जवार फरिद ।