default_image

2 years ago

February 21, 2023

जन्मदिनमा नेपालविरुद्ध खेल्दै जर्ज मुन्शे

167 views

0 Bookmark

काठमाडौं(हाम्रो खेलकुद) – स्कटल्यान्डका स्टार ब्याटर जर्ज मुन्शे आफ्नो जन्मदिनमा आज आइसिसी विश्वकप लिग २ मा नेपालविरुद्ध खेल्दैछन् । टियु क्रिकेट मैदानमा भएको टसमा नेपालका कप्तान रोहित पौडेलले टस जितेर पहिला फिल्डिङको निर्णय लिएका छन् ।

स्कटल्यान्डले एक परिवर्तन गरेको छ । नामिबियाविरुद्ध डेब्यू दिएका लियाम नेलरको स्थानमा जर्ज मुन्शेलाई खेलाएको छ । जर्ज मुन्शले पहिलो खेलमा नामिबियाविरुद्ध ६१ बलमा १२ चौका र ७ छक्कासहित १ सय ३ रनको सानदार शतकीय इनिङ खेलेका थिए । त्यसपछि दुई खेलमा बेन्चमा राखेको थियो । लिग २ मा च्याम्पियन बनि सकेको स्कटल्यान्डको अन्तिम खेल हो ।

स्कटल्यान्डले जर्ज मुन्शेको ३० औं जन्मदिनमा नेपालविरुद्ध मैदान उतारेको छ । एसोसिएट क्रिकेटका स्टार ब्याटर मुन्शे नेपालका लागि भने घातक बन्नसक्छन् । ३० वर्षीय मुन्शे बायाँ हाते ब्याटर हुन् ।

आफ्नो जन्मदिनलाई विशेष बनाउन खोज्नेछन् । ओपनर मुन्शे आक्रामक क्रिकेटका लागि एसोसियट क्रिकेटमा चर्चित नाम हुन् । टेस्ट टोलीविरुद्ध पनि मुन्शेले लगातार उत्कृष्ट प्रदर्शन गर्दै आएका छन् । उनको आगमनले स्कटल्यान्डको ब्याटिङ मजबुत बनेको छ ।

नेपालले टोलीमा एक परिवर्तन गरेको छ । तीव्र गतिका बलर गुलशन झालाई बेन्चमा राख्दा ललित नारायण राजवंशीलाई मैदान उतारेको छ । उता स्कटल्यान्डले नेपालविरुद्ध बेन्चमा राखेका आफ्ना प्रमुख तीन खेलाडी काइल कोट्जर, शफ्यान शरिफ र जर्ज मुन्शेलाई मैदान उतारेको थियो ।

स्कटल्यान्डको लिग–२ मा यो अन्तिम खेल हो । पहिलो खेलमा नामिबियालाई १० विकेटले हराउँदै तीन खेल अगावै च्याम्पियन बनेको थियो । नेपालसँगको खेलपछि स्कटल्यान्डले उपाधि ट्रफी टियु मैदानमै पाउनेछ ।

स्कटल्यान्ड ३५ खेलमा २४ मा जित र ९ मा हारसहित ५० अंकका साथ शीर्षस्थानमा छ । नेपाल २७ खेलमा ११ मा जित र १४ मा हारसहित २४ अंकका साथ छैटौं स्थानमा छ । शीर्ष तीनमा पर्न नसके प्लेअफ क्वालिफायर खेल्नुपर्ने हुन्छ । शीर्ष पाँचमा रहँदै ओडिआई मान्यता जोगाउन ९ मध्य ५ खेल जित्नुपर्ने हुन्छ।

स्कटल्यान्डको प्लेइङ ११ :

रिची बेरिंगटन (कप्तान), काइल कोट्जर, म्याथ्यु क्रस, क्रिस ग्रेभ्ब्स, माइकल लिस्क, टम म्याकिन्टोस, क्रिस म्याकब्राइड, ब्रेन्डन म्याकुलम, जर्ज मुन्शे, शफ्यान शरिफ र मार्क वाट् ।

नेपालको प्लेइङ ११ :

रोहित पौडेल (कप्तान), कुशल भुर्तेल, आसिफ शेख, ज्ञानेन्द्र मल्ल, कुशल मल्ल, दीपेन्द्रसिंह ऐरी, सन्दीप जोरा, सोमपाल कामी, करण केसी, ललितनारायण राजवंशी र सन्दीप लामिछाने ।

December 21, 2024

विपिन एनपिएलको उदीयमान खेलाडी

काठमाडौं(हाम्रो खेलकुद) – कर्णाली याक्सका विपिन शर्मा नेपाल प्रिमियर लिग (एनपिएल) को उदीयमान खेलाडीको अवार्ड जितेका छन् । ट्यालेन्ट हन्टबाट छनोट भएर कर्णालीबाट एनपिएल खेलेका विपिनले ८ खेलमा १३ विकेट लिएका थिए ।

December 21, 2024

दीपेन्द्रले जिते कार

काठमाडौं(हाम्रो खेलकुद) – नेपाल प्रिमियर लिग(एनपिएल) मा सर्वोत्कृष्ट हुँदै सुदूरपश्चिम रोयल्सका कप्तान दीपेन्द्रसिंह ऐरीले कार पाएका छन् । उत्कृष्ट प्रदर्शनको सहयोगमा टोलीलाई फाइनलसम्म पुर्याउन सफल दीपेन्द्रले प्रतियोगिताको सर्वोत्कृष्ट नेपाली खेलाडी भएका हुन् । उनले ओमोडाको ६२ लाख रुपैयाँ मुल्यको‌ कार प्राप्त गरेका हुन्।

December 21, 2024

मिलन्थाको आक्रामक अर्धशतकमा जनकपुर च्याम्पियन

काठमाडौं(हाम्रो खेलकुद) – ओपनर लाहिरु मिलन्थाको आक्रामक अर्धशतकमा जनकपुर बोल्ट्सले सिद्धार्थ बैंक नेपाल प्रिमियर लिग(एनपिएल) को उपाधि जितेको छ । कीर्तिपुरको टियु मैदानमा शनिवार भएको फाइनलमा सुदूरपश्चिम रोयल्सलाई ५ विकेटले हराउँदै जनकपुरले एनपिएलको पहिलो संस्करणको उपाधि जितेको हो। च्याम्पियन जनकपुरले ट्रफी सहित १ करोड १० लाख रुपैयाँ प्राप्त गर्नेछ । दोस्रो भएको सुदूरपश्चिमले ५१ लाख […]

Success

Thank you for your time.