2 years ago
February 4, 2023
एजेन्सी – पर्थ स्कोचर्सले बिग ब्यास लिग २०२२/२३ को फाइनलमा ब्रिसबेन हिटलाई ५ विकेटले हराउँदै पाँचौं पटक उपाधि जितेको छ । जितको लागि १ सय ७६ रनको विजयी लक्ष्य पछ्याएको पर्थले १९.२ ओभरमा ५ विकेट गुमाउँदै पूरा गर्यो ।
पर्थको जितमा कप्तान एश्टन टर्नरले ३२ बलमा ५ चौका र २ छक्कासहित सर्वाधिक ५३ रन बनाए । १९ वर्षीय कुपर कोन्नोलीले ११ बलमा १ चौका र २ छक्कासहित २५ रनमा अविजित रहँदै जित पक्का गराए । हिटका जेभियर बार्टलेट, स्पेन्सर जोनसन र म्याथ्यु कुहनेमनले एक एक विकेट लिए ।
त्यसअघि पर्थ स्टेडियममा टस जितेर पहिला ब्याटिङ थालेको ब्रिसबेन हिटले निर्धारित २० ओभरमा ७ विकेट गुमाउँदै १ सय ७५ रन बनाएको थियो । ब्रिसबेनका नाथन म्याकस्वीनीले ३७ बलमा ३ चौका र १ छक्कासहित सर्वाधिक ४१ रन बनाए । साम हेजलेट ३४,जोश ब्राउन २५ र म्याक्स ब्रायन्ट ३१ रनमा आउट भए ।
पर्थको जेसन बेहरनडोफ र म्याथ्यु केलीले दुई दुई विकेट लिए । पर्थले लगातार दोस्रो पटक उपाधि जितेको हो । समग्रमा पर्थले बिग ब्यासको उपाधि जितेको पाचौं पटक हो ।
एडिलेड स्ट्राइकर्सका म्याथ्यु सर्ट प्रतियोगिता प्लेयर अफ द टुनामेन्ट चुनिए । सर्टले १४ खेलमा १ मा शतक र २ अर्धशतकसहित ४ सय ५८ रन बनाएका थिए ।
March 12, 2025
हिमाल खरेल, मेचीनगर झापाको मेचीनगर–४ बाहुनडाँगीमा जारी इन्डो–नेपाल टि–ट्वान्टी क्रिकेट प्रतियोगिताअन्तर्गत आज भएको खेलमा दमक क्रिकेट क्लबलाई २१ रनले पराजित गर्दै थन्डर–११ सेमिफाइनल प्रवेश गरेको छ । सरस्वती माविको खेल मैदानमा टस हारेर पहिलो ब्याटिङ गरेको थन्डरले निर्धारित १६ ओभरमा ७ विकेट गुमाउँदै १ सय १४ रन बनाएको थियोे । वर्षाका कारण १६ ओभरको म्याच […]
March 12, 2025
काठमाडौं (हाम्रो खेलकुद)- प्रथम आइजिपी कप क्रिकेट प्रतियोगिता २०८१ को दोस्रो दिन बुधवार राष्ट्रिय प्रहरी प्रशिक्षण प्रतिष्ठान र मधेश प्रदेश प्रहरी कार्यालयले विजयी हुँदै सेमिफाइनलमा पुगेका छन्। राष्ट्रिय प्रहरीले गण्डकी प्रदेश प्रहरी कार्यालयलाई ६ विकेटले हराएको छ। टस जितेर बलिङ रोजेको प्रशिक्षण प्रतिष्ठान टिमले गण्डकीलाई १९.४ ओभरमा अल आउट गर्दै ७६ रनमा समेट्यो । प्रशिक्षण […]
March 12, 2025
काठमाडौं (हाम्रो खेलकुद)- नेपाल क्रिकेट संघ (क्यान) ले नेपाली महिला तथा पुरुष क्रिकेट टोलीका खेलाडीको वार्षिक सेन्ट्रल कन्ट्रयाक्ट सार्वजनिक गरेको छ। क्यानले १९ खेलाडीलाई कन्ट्रयाक्ट दिएको बुधवार जानकारी गराएको छ। जहाँ ४ खेलाडीले ५० हजार मासिक पारिश्रमिक पाउनेछन्। ग्रेड ‘ए’ मा इन्दु बर्मा, पूजा महतो, रुविना क्षेत्री, र सीता राना मगर रहेका छन्। उनीहरूले मासिक […]
