2 years ago
January 12, 2023
काठमाडौं (हाम्रो खेलकुद) – लुम्बिनी अल स्टार्सले बुधबार नेपाल टि२० लिगको फाइनलमा विराटनगर सुपर किंग्सलाई २४ रनले हराउँदै उपाधि जित्यो । तीव्र गतिका बलर आकाश चन्द भने एक खेल नखेली च्याम्पियन बन्ने खेलाडी बने ।
लुम्बिनीले कुल १२ खेल खेल्दा १० खेलमा जित्यो । तर आकाश चन्दले कुनैपनि खेल खेल्न पाएनन् । लुम्बिनीको टोलीमा एक खेल पनि खेल्न नपाउने आकाश एकमात्रै खेलाडी हुन् । अन्य सबै खेलाडीले खेल्ने अवसर पाएका थिए ।
तीव्र गतिका बलरमा किशोर महतोले सानदार प्रदर्शन गरे । त्यसपछि प्याट ब्राउन, साड्ली भान स्केलक्किक र गुलशन झालाई मैदान उतारेको थियो । गुलशनले पनि खासै बलिङको अवसर भने पाएनन् । गुलशनले पुरै खेल खेल्दा ५ इनिङमा मात्रै ७ ओभर बलिङ गर्दै तीन विकेट लिएका थिए ।
स्पिनर सागर ढकाल, तिलकराज भण्डारी, हरमीतसिंह र विपुल शर्मा हाबी बनेपछि आकाश चन्दले मौका पाउन सकेनन् । सुदूरपश्चिमबाट यू-१९ राष्ट्रिय प्रतियोगिता खेल्ने आकाश घरेलु क्रिकेट भने त्रिभुवन आर्मी क्लबबाट खेल्ने गर्दछन् ।
आर्मीमा सोमपाल कामी, जितेन्द्र मुखिया र विक्रम सोब पहिलो रोजाईमा खेल्दा आकाशले विरलै खेल्ने अवसर पाउँछन् । नेपालबाट यू–१९ टोली प्रतिनिधित्व गरेका आकाश अर्को महिना युएईमा हुने आइसिसी यू–१९ विश्वकप एसिया क्षेत्र छनोटको लागि बन्द प्रशिक्षणमा छन् ।
नेपाली तीन फरक फ्रेन्चाइज लिगमा लगातार तेस्रो पटक आकाशले एक खेल पनि खेल्न पाएनन् । आकाशलाई लुम्बिनीले सी ग्रेडमा ५ लाख रुपैयाँमा अनुबन्ध गरेको थियो । गतवर्ष आकाशले एभरेष्ट प्रिमियर लिगमा काठमाडौं किंग्स ११ बाट खेलेका थिए ।
तर काठमाडौंले प्लेअफ सम्मको यात्रा तय गर्दा उनले एकखेल पनि खेल्ने अवसर पाएनन् । २०१९ को पोखरा प्रिमियर लिगमा आकाश चन्द पोखरा पल्टनमा थिए । पोखरा पल्टन लिगबाटै बाहिरिदा आकाशले एक खेलपनि खेल्न पाएनन् ।
February 5, 2025
काठमाडौं(हाम्रो खेलकुद) – धनगढीमा भईरहेको अर्जुन ट्रफी राष्ट्रिय क्रिकेट प्रतियोगितामा क्रिकेट प्रतियोगितामा बोष्टन क्रिकेट झापाले घोडाघोडी-११ माथि राेमाञ्चक जित हात पारेको छ । बुधवार भएको दिनको दोस्रो खेलमा बोष्टनले घोडाघोडी- ११ माथि १ रनको रोमाञ्चक जित हासिल गर्यो । यो हारसँगै घोडाघोडी-११ समूह चरणबाटै बाहिरिएको छ । बोष्टनले दिएको १ सय ६२ रनको लक्ष्य पछ्याएको […]
February 5, 2025
काठमाडौं(हाम्रो खेलकुद) – पूजा महतोको अर्धशतकको बाबजुद नेपालले त्रिकोणात्मक टि ट्वान्टी आई सिरिजमा बुधवार नेदरल्याण्ड्ससँग पराजित भएको छ । नेपालले १० विकेटले पराजित भएको छ । सिरिजमा नेपालको यो लगातार पाचौं हार हो ।१ सय ४६ रनको लक्ष्य नेदरल्याण्ड्सले १९.४ ओभरमा कुनै विकेट नगुमाइ पूरा गर्यो । नेदरल्याण्ड्सको जितमा स्ट्रि कालिसले नट आउट रहँदै सर्वाधिक […]
February 5, 2025
काठमाडौं(हाम्रो खेलकुद) – शुभ कसांकारको अर्धशतकको सहयोगमा अर्जुन ट्रफी राष्ट्रिय क्रिकेट प्रतियोगितामा क्रिकेट एक्सिलेन्स क्रिकेट सेन्टर(सिइसी) काठमाडौंले पहिलो जित हासिल गरेको छ । बुधवार भएको दिनको पहिलो खेलमा सिइसीले न्यु होराइजन बुटवललाई ६ विकेटले पराजित गरेको हो । न्यु होराइजनले दिएको १ सय १ रनको लक्ष्य सिइसीले १७.४ ओभरमा ४ विकेट गुमाएर पूरा गर्यो । […]
