काठमाडौं (हाम्रो खेलकुद) – नेपाली क्रिकेट टोलीका सर्वाधिक सफल कप्तान पारस खड्काले नेपाल टि२० लिगमा स्पोट फिक्सिङ जस्तो गम्भीर अपराधको खबरले स्तब्ध बनाएको बताएका छन् ।

नेपाल टि२० लिगमा म्याच फिक्सिङको प्रस्ताव आएको सार्वजनिकसँगै पारसले सामाजिक सञ्जालमार्फत उक्त प्रतिक्रिया हुन् ।’नेपाल क्रिकेटले विभिन्न अध्याय, संघर्ष र खुड्कीलाहरु पार पर्दै राम्रो स्वरुप लिनेक्रम जारी थ्यो । यो अनवरत यात्रा र उतारचडावकैबीच नेपाल टि२० लिगमा स्पोट फिक्सिङ जस्तो गम्भीर अपराध भएको खबरले स्तब्ध बनाएको छ’, पारसले सामाजिक सञ्जालमा लेखेका छन् ।

त्यसैमा थपेका छन्, ‘खेलाडीहरुको वर्षौदेखिको लगाव, खेलप्रेमीहरुको निःस्वार्ध प्रेम र यस खेलमा समर्पित सरोकाररवालहरुको विश्वासलाई यस घटनाले यो खेलसँग सम्बिन्धित सबैलाई चोट पुर्याएको छ । यो अपराधको निष्पक्ष छानविन गरेर दोषीलाई कडार कारबाहि गरियोस् ।’

मंगलबार काठमाडौं नाइट्सका कप्तान ज्ञानेन्द्र मल्लले नेपाल टि२० लिगमा आफ्ना एक खेलाडीलाई फिक्सिङको प्रस्ताव आएको र यसबारे एन्टी करप्सन युनिट (एसियु) लाई जानकारी दिएको बताएका थिए ।

नेपाल टि२० लिगमा खेल मिलेमतो (म्याच फिक्सिङ) बारे प्रश्न उठेपछि गृह मन्त्रालयले नेपाल प्रहरीको केन्द्रीय अनुसन्धान ब्युरो (सिआइबी) लाई छानविनका लागि निर्देशन दिएको छ ।