2 years ago
January 1, 2023
काठमाडौं (हाम्रो खेलकुद) – नेपाल टि२० लिगबाट लगातार विदेशी खेलाडी र प्रशिक्षक फर्कन थालेका छन् । लिग मध्यभागमा आइपुग्दा केहि टोलीका प्रशिक्षक र विदेशी खेलाडी आन्तरिक कारण देखाउँदै नेपाल छाड्न थालेका हुन् ।
लिगमा सहभागी मध्यका सबैभन्दा ठूला नाम विराटनगर सुपर किंग्सका सुपरस्टार सिकन्दर राजाले नेपाल छाडिसकेका छन् । राजा शुक्रबार नै पाकिस्तान फर्केका हुन् । राजाले लिगमा दुई खेल मात्र खेलेर फर्किएका हुन् । राजाले दुई खेलमा ५५ रन बनाउनुको साथै एक विकेट लिए । लुम्बिनी अल स्टार्ससँग १७ रन बनाउँदा एक विकेट लिएका थिए। जनकपुर रोयल्सविरुद्ध ३८ रन बनाएका थिए ।
राजालाई त्यसपछि विराटनगरले पोखरा एभेन्जर्ससँग दुवै खेलमा बेन्चमा राखेको थियो । सामान्य चोट बोकेका राजा त्यसपछि खेल्न नपाएपछि पाकिस्तान फर्किएका हुन् । विराटनगरले भने औपचारिक रुपमा राजा किन फर्किएको जानकारी दिएको छैन । राजा पोखराविरुद्ध खेलमा बाउन्ड्री लाइनबाहिर पानी बोक्दै हिँडेका थिए । टोलीका उपकप्तान रोहित पौडेलले राजा सामान्य चोटका कारण बाहिर रहेको र अर्को खेल खेल्ने बताएका थिए । तर उनी बीचमै फर्केका छन् ।
इन्डियन प्रिमियर लिगमा पन्जाब किंग्सले अक्सनमा किनेपछि उनी फर्किएको चर्चा पनि छ । तर राजा यसै महिना हुने जिम्बावे र आयरल्यान्डको सिरिजमा खेल्ने तयारी गर्दैछन् । जिम्बावेकै रायन बर्ल प्रतियोगितामा खेलिरहँदा राजा फर्कनुले भने टोलीमा समस्या आएको आँकलन गर्न सकिन्छ । राजालाई अन्त्यसम्म खेलाउने सोच राखेको विराटनगरले उनको प्रस्थानपछि आफ्नै खर्चमा नेट बलरको रुपमा आएका सन्जिव कुमारस्वामीलाई मैदान उतार्नुपरेको थियो ।
जनकपुर रोयल्सका केज्रिक विलियम्स पनि वेस्टइन्डिज फर्किएका छन् । तीव्र गतिका बलर केज्रिकले जनकपुरबाट दुई खेलमा पाँच विकेट लिए । केज्रिक पहिलो खेलमै तीन विकेट लिँदै पोखराविरुद्ध प्लेयर अफ द म्याच चुनिएका थिए । दोस्रो खेलमा विराटनगरविरुद्ध दुई विकेट लिएका थिए । केज्रिक पारिवारिक समस्या देखाउँदै स्वदेश फर्किएका हुन् ।
यस्तै जनकपुरका मुख्य प्रशिक्षक उमेश पटवाल पनि भारत फर्किएका छन् । नेपाली राष्ट्रिय टोलीका समेत प्रशिक्षक रहिसकेका पटवाल पारिवारिक समस्याका कारण फर्किएको बुझिएको छ ।
चार खेल खेल्न आएका भारतीय यू–१९ विश्वकप विजेता कप्तान उन्मुक्त चन्द पनि फर्किए । लुम्बिनी अल स्टार्सका चन्द योजना अनुसार नै सुरुवाती तीन खेल खेलेर फर्किएका हुन् । उनको स्थानमा आयरल्यान्डका ह्यारी टेक्टर आएका छन् । उन्मुक्त चन्द फार वेस्ट युनाइटेड र विराटनगरसँग दुई दुई रनमा आउट भएका थिए । पोखरासँग ३४ बलमा १ चौकासहित २२ रन बनाए ।
फार वेस्ट युनाइटेडसँग सुरुवाती पाँच खेल सकिँदासम्म दुई विदेशी खेलाडी मात्रै रहेका छन् । फार वेस्टमा टोलीको कप्तानी गरिरहेका अफगानिस्तानका हश्मतुल्लाह शाहिदी र युएईका उमेर अली मात्रै विदेशी खेलाडीको रपमा छन् । अफगानी ब्याटर मोहम्मद शहजाद आउने भनेपनि भिषाको कारण नआएको बुझिएको छ । आइतबार मात्रै फार वेस्टले श्रीलंका अलराउन्डर मिलिन्डा सिरीवर्धनालाई अनुबन्ध गरेको जनाएको छ ।
July 2, 2024
सुशिल पन्त क्षेत्री, चितवनक्रिकेटर सन्दीप लामिछाने गृह जिल्ला चितवनमा समानित भएका छन् । सन्दीपलाई मंगलबार विभिन्न संस्थाले नगदसहित सम्मान गरेका हुन् । चितवन क्रिकेट संघ र सेन्ट्रल कलेज अफ भोकेसनल ट्रेनिङ प्रालिले उनलाई १ लाख रुपैयाँसहित सम्मान गरेको छ । सेन्ट्रल टावरमा आयोजित एक कार्यक्रमका बीच उनलाई सम्मान गरिएको हो । नेपाली क्रिकेटमा पुर्याएको योगदान […]
July 1, 2024
एजेन्सी – भारतीय क्रिकेट टोलीका अल राउन्डर रविन्द्र जडेजाले टि ट्वान्टी आई क्रिकेटबाट सन्न्यास लिएका छन्। भारतले शनिबार दक्षिण अफ्रिकालाई ७ रनले हराउँदैटि ट्वान्टीबाट विश्वकपको उपाधि जितेको थियो। त्यसपछि स्टार ब्याटर विराट कोहली र त्यसपछि कप्तान रोहित शर्माले टि ट्वान्टी आईबाट सन्न्यासको घोषणा गरेका थिए। त्यसपछि जडेजाले पनि टि ट्वान्टी आईबाट सन्न्यास लिएको घोषणा गरेका […]
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]