काठमाडौं (हाम्रो खेलकुद) – नेपाली क्रिकेट टोलीका पूर्व कप्तान तथा काठमाडौं नाइट्सका कप्तान ज्ञानेन्द्र मल्ल नेपाल टि२० लिगमा फेरि डक आउट भएका छन् । जनकपुर रोयल्सविरुद्ध ज्ञानेन्द्र मल्ल डक आउट भएका हुन् ।

टियु क्रिकेट मैदानमा भएको टस हारेर नाइट्सले पहिला ब्याटिङ गरि रहेको छ । तीव्र गतिका बलर जितेन्द्र मुखियाको चौथो ओभरको दोस्रो बलमा ज्ञानेन्द्र विकेटकिपर चाडविक वाल्टनबाट क्याच आउट भएका थिए ।

ज्ञानेन्द्रले ३ बल खेल्दा खाता खोल्न सकेनन् । ज्ञानेन्द्र नेपाल टि२० लिगमा पाँच मध्य तीन खेलमा डक आउट भएका हुन् । ज्ञानेन्द्रले पाँच खेलमा मात्रै १४ रन बनाएका छन् ।

ज्ञानेन्द्र यसअघि पोखरा एभेन्जर्स र लुम्बिनी अल स्टार्ससँग पनि शून्यमै अल आउट भएका थिए । फार वेस्टविरुद्ध ९ बलमा १ छक्कासहित १३ रन र जनकपुर रोयल्ससँग एक जोडेका थिए । काठमाडौंले ६ ओभरमा ३ विकेट गुमाउँदै ४० रन बनाएको छ ।

क्रिजमा सुनाम गौतम र लोकेश बम छन् । इंग्लिस ब्याटर एलेक्स ब्लेक २० रनमा आउट भए । जितेन्द्र मुखियाले विरनदीप सिंहलाई ९ रनमा बोल्ड गरेका थिए । काठमाडौं ४ खेलमा ४ खेलमा २ मा जित र २ मा हारसहित तेस्रो स्थानमा छ ।

लुम्बिनी ६ खेलमा ५ मा जित र १ मा हारसहित शीर्षस्थानमा छ । जनकपुर रोयल्स ५ खेलमा ४ बलमा जित र १ मा हारसहित ८ अंकका साथ दोस्रो स्थानमा छ ।