काठमाडौं (हाम्रो खेलकुद) – राष्ट्रिय क्रिकेट टोलीका ब्याटर कुशल भुर्तेलले नेपाल टि२० लिगमा लुम्बिनी अल स्टार्सबाट पोखरा एभेन्जर्सविरुद्ध विकेटकिपरको भूमिका निर्वाह गरेका छन् ।

टियु क्रिकेट मैदानमा टियु क्रिकेट मैदानमा भएको टसमा लुम्बिनीले कुशल भुर्तेललाई विकेटकिपरकै रुपमा मैदान उतारेको छ । कुशल भुर्तेलले पहिलो पटक विकेटकिपरको भूमिका निर्वाह गरेका छन् । लुम्बिनीका दुबै विकेटकिपर उपलब्ध हुन नसकेपछि कुशल भुर्तेलले विकेटकिपिङ गर्नु परेको हो ।

लुम्बिनीले किकेटकिपर अनिल शाह र लाहिरु मिलान्था दुबै पोखराविरुद्ध उपलब्ध हुन सकेनन् । मिलान्था लुम्बिनीको पाँच मध्य तीन खेलमा प्लेयर अफ द म्याच चुनिदै आएका थिए । लुम्बिनीको सबै खेलमा विकेटकिपर मिलान्था थिए । यस प्रतियोगिता सर्वाधिक रन बनाउने तथा सानदार प्रदर्शन गर्दै आएका मिलान्था घाइते छन् ।

नेपाली क्रिकेट टोलीबाट विकेटकिपरको भूमिका निर्वाह गरि सकेका अनिल कुमार शाह भने टोलीमै उपलब्ध छैनन् । लुम्बिनीका अनुसार अनिल शुक्रबार राती नै कलैया फर्किएका छन् । अनिलका हजुरबुबाको निधनपछि शुक्रबार राती नै कलैया फर्किएका हुन् ।

ईशान पान्डे पनि तेस्रो विकल्प हुन् । तर उनी अन्तिम १५ मै छैनन् । कम्तिमा २४ घण्टा अगाडिनै टेक्निकल कमिटीलाई खेलाडी परिवर्तनको लागि प्रस्ताव गर्नुपर्छ । यदि टेक्निकल कमिटीले स्वीकृति दिएको खण्डमा मात्रै अन्तिम १५ मा नभएको खेलाडी खेलाउन पाइन्छ । त्यसैको कारण लुम्बिनीले कुशललाई विकेटकिपरको रुपमा मैदान उतारेको हो । सुनिल धमलाले भने यू–१९ मा विकेटकिपरको भूमिका निर्वाह गरेका छन् ।

कुशलले नेपालबाट ओपनर देखि फिनिसर सम्मको भूमिका निर्वाह गरि सकेका छन् । यू–१९ मा मिडिया पेश बलिङ गर्ने कुशलले पछिल्लो समय लेगस्पिनरमा राम्रो प्रभाव छाड्दै आएका छन् ।