काठमाडौं (हाम्रो खेलकुद) – आक्रामक ब्याटिङ प्रदर्शन गदैै आएका अलराउन्डर कुशल मल्ललाई पोखरा एभेन्जर्सले नेपाल टि२० लिगमा लुम्बिनी अल स्टार्सविरुद्ध बेन्चमा राखेको छ ।

टियु क्रिकेट मैदानमा भएको टसमा लुम्बिनीका कप्तान दीपेन्द्रसिंह ऐरीले जितेर पहिला ब्याटिङ गर्ने निर्णय लिएका छन् । पोखराले कुशल मल्ललाई बेन्चमा राख्दा प्रतिश जि.सीलाई मौका दिएको छ । कुशलले यस प्रतियोगितामा उच्च प्रदर्शन गर्दै आएका छन् । शुक्रबार मात्रै फार वेस्ट युनाइटेडविरुद्ध २२ बलमा ५ छक्कासहित ४० रन जोडेका थिए । कुशल अस्वस्थको कारण टोलीबाट बाहिर रहेको बुझिएको छ ।

त्यस्तै लुम्बिनी अल स्टार्सले आजको खेलमा दुई परिवर्तन गरेको छ । योगेन्द्रसिंह कार्की र प्याट ब्राउनलाई आजको खेलमा मौका दिएको छ । अनिल कुमार शाह र लाहिरु मिलान्थालाई विश्राम दिएको छ । लुम्बिनी ५ खेलमा १० अंकका साथ शीर्षस्थानमा छ । पोखरा ६ खेलमा ५ मा हार र १ मा जितसहित पुछारमा छ ।

पोखरा एभेन्जर्सको प्लेइङ ११ : आसिफ शेख, प्रतिश जि.सी, आरिफ शेख, तुलबहादुर थापा, विपिन खत्री, सुमित महर्जन, सिद्धान्त लोहनी, उपुल थरंगा, जाहिर खान, आमिर हाम्जा र अभिमन्यु मिथुन ।

लुम्बिनीको प्लेइङ ११ : दीपेन्द्रसिंह ऐरी, योगेन्द्रसिंह कार्की, कुशल भुर्तेल, प्याट ब्राउन, गुलशन झा, तिलकराज भण्डारी, किशोर महतो, सुनिल धमला, शड्ली भान सेक्किक, ह्यारी टेक्टर र हरम्रीत सिंह ।

*विहान १०ः५२ मा पोखरा टिमसँग कुराकानीमा कुशलको अवस्थाबारे बुझ्दा उनी अस्वस्थ रहेको बुझिएको छ ।