काठमाडौं, साउन २७ (हाम्रो खेलकुद संवादताता)
नेपाली क्रिकेट टोलीका पूर्व कप्तान विनोद दासले आज सााझ कार पाउादैछन् । होटल क्राउन प्लाजामा साझ आयोजना हुने कार्यक्रममा विनोदलाई युवा तथा खेलकुद मन्त्री पुरुषोत्तम पौडेलले कारको सााचो हस्तान्तरण गर्नेछन् ।

उनले झन्डै ३९ लाख रुपैयाा बराबरको सुजुकीको सियाज कार पाउादैछन् । तर, विनोदले पाउने कारमा नेपाल क्रिकेट संघ (क्यान) को भन्दा उनकै बढी लगानी परेको छ । सरकारले उनको कारका लागि २० लाख २६ हजार कर छुट गराइदिएको छ । क्यानले कारका लागि ५ लाख रुपैयाा प्रदान गरेको थियो । बााकी रकम विनोद आफैले बेहोरेका हुन् । क्रिकेट खेलाडीका रुपमा कार पाउने उनी पहिलो खेलाडी हुनेछन् । दुई बर्ष अघि विश्व ट्वान्टी २० मा उच्च प्रदर्शन गर्ने खेलाडीलाई टोयटाले कार दिने घोषणा गरे अनुसार अहिलेका नेपाली टोली कप्तान पारस खड्काले कार पाउने बताइएको थियो । तर, अहिले सम्म उनले कार पाएका छैनन् ।

गत बर्ष चैत अन्त्यमा विनोदले अन्तर्राष्ट्रिय क्रिकेटबाट संन्यासको घोषणा गरेका थिए । अस्ट्रलियाका क्रिकेटर फिल ह्युजको सम्झनामा चैत २८ गते कीर्तिपुरस्थित त्रिभुवन विश्वविद्यालय मैदानमा आयोजना गरेको मैत्रीपूर्ण क्रिकेट विनोदको अन्तिम खेल थियो । त्यहि खेलको समाप्तीसागै विनोदको सम्मानमा त्यो खेलमा उपस्थित हजारौं दर्शकले ताली बजाएका थिए । त्यति बेला उनी निकै भावुक भएका थिए । त्यहि खेलबाट उठेको रकमबाट क्यानले विनोदलाई दिने कारका लागि ५ लाख रुपैयाा छुट्टाएको थियो । त्यसपछि क्यानले कार दिलाउन कुनै पहल गरेन । विनोद आफैले फाइल बोकेर सरकारी प्रक्रिया पुरा गरेका थिए । उनी अहिले राष्ट्रिय क्रिकेट टोलीको सहायक प्रशिक्षकका रुपमा कार्यरत छन् ।