2 years ago
December 28, 2022
काठमाडौं (हाम्रो खेलकुद) – विराटनगर सुपर किंग्सले नेपाल टि२० लिगमा पोखरा एभेन्जर्सलाई ६ विकेटले हराउँदै पहिलो जित हात पारेको छ । विराटनगरले पहिलो जित हात पार्दा पोखरा भने लगातार चार खेलमा पराजित भएको छ ।
जितको लागि १ सय ४० रनको विजयी लक्ष्य पछ्याएको विराटनगरले १७.५ ओभरमा ४ विकेट गुमाउँदै पूरा गर्यो । विराटनगरका हुसेन तालत ३० बलमा ४ चौका र १ छक्कासहित सर्वाधिक ५० रनमा अविजित रहे । विवेक यादव ८ बलमा १ चौका र १ छक्कासहित १५ अविजित रहे ।
ओपनर अर्जुन साउद २२ बलमा १ चौका र २ छक्कासहित २५ रनमा आउट भए । कप्तान आन्द्रे म्याकार्थी ३३ बलमा १ चौकासहित २१ रनमा आउट भए । रोहित पौडेल ५ र पृथु बाँस्कोटा १५ रनमा आउट भए ।
पोखराका कुशल मल्लले ४ ओभरमा २१ रन खर्चेर २ विकेट लिए । शरद भेषावकरले २ ओभरमा १२ रन खर्चेर २ विकेट लिए ।
त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको पोखराले निर्धारित १९ ओभरमा ७ विकेट गुमाउँदै १ सय ३९ रन बनाएको थियो । खेल निर्धारित समय भन्दा केहि ढिलो सुरु हुँदा एक ओभर घटेको थियो । पहिलो खेल लुम्बिनी अल स्टार्स र फार वेस्टबीचको खेल सुपर ओभरमा पुगेको थियो ।
पोखराका कुशल मल्लले १८ बलमा ३ चौका र ३ छक्कासहित सर्वाधिक ३८ रन बनाए । कुशलले यसअघिको खेलमा लुम्बिनी अल स्टार्ससँग ३१ बलमा ५ चौका र ५ छक्कासहित ६१ रन बनाएका थिए । कुशल तीव्र गतिका बलर हुसेन तालतको बलमा बोल्ड आउट भए ।
ओपनर सुमित महर्जन ९ बलमा २ चौकासहित १२ रनमा आउट भए । आसिफ शेख १२ बलमा १० रन बनाउँदै पेभेलिएन फर्के । कप्तान उपुल थरंगा २८ बलमा २ चौकासहित १९ रनमा आउट भए । यस खेलमा शरद भेषावकरको स्थानमा थरंगाले कप्तानी गरेका छन् ।
सिद्धान्त लोहनी १९ बलमा ३ छक्कासहित २६ रनमा बोल्ड भए । प्रतिश जि.सीले ४ बलमा १ छक्कासहित ११, आरिफ शेख ३, शरद भेषावकर ९ र अभिमन्यु मिथुनले एक रन बनाए । विराटनगरका हुसेन तालत र राज रोक्कीले दुई दुई विकेट लिए । नन्दन यादव, आन्द्रे म्याकार्थी र साहब आलमले एक एक विकेट लिए ।
पोखरा काठमाडौंसँग २६ रन, जनकपुर रोयल्ससँग ५ विकेट र लुम्बिनी अल स्टार्ससँग तीन विकेटले पराजित भएको थियो । पोखराले विहीबार विहीबार विराटनगरसँगै खेल्नेछ । विराटनगर लुम्बिनीसँग तीन र जनकपुरसँग पाँच विकेटले पराजित भएको थियो ।
लुम्बिनी ४ खेलमा ८ अंकका साथ शीर्ष स्थानमा छ । काठमाडौं ३ खेलमा २ मा जित र १ मा हार सहित ६ अंकका साथ दोस्रो स्थानमा छ । जनकपुर रोयल्स ३ खेलमा २ मा जित र १ मा हारसहित ६ अंक भएपनि नेटरनरेटका कारण दोस्रो स्थानमा छ ।
February 6, 2025
काठमाडौं(हाम्रो खेलकुद) – थाइल्याण्डले महिला त्रिकोणात्मक टि ट्वान्टी आई सिरिजमा नेदरल्याण्ड्सविरुद्ध टस जितेको छ । कीर्तिपुरस्थित टियु क्रिकेट मैदानमा थाइल्याण्डकी कप्तानले टस जितेर ब्याटिङ रोजेकी छिन् । सिरिजमा थाइल्याण्ड पाँचौ जित निकाल्दै सिरिज जित्ने लक्ष्यमा छ । थाइल्याण्डले नेपाल र नेदरल्याण्ड्सविरूद्ध खेलेका दुवै खेलमा जित हासिल गरेको थियो । नेदरल्याण्ड्सलाई भने उपाधी सम्भावना कायमै राख्न […]
February 6, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजमा १ खेल अगावै उपाधी जित्ने लक्ष्यमा थाइल्याण्ड नेदरल्याण्ड्ससँग खेल्दैछ । दुईबीचको खेल कीर्तिपुरस्थित टियु क्रिकेट मैदानमा दिउँसो १२ः१५ बजे सुरु हुनेछ । सिरिजमा थाइल्याण्ड पाँचौ जित निकाल्दै सिरिज जित्ने लक्ष्यमा छ । थाइल्याण्डले नेपाल र नेदरल्याण्ड्ससँग खेलेका दुवै खेलमा जित हासिल गरेको थियो । नेदरल्याण्ड्सलाई भने […]
February 5, 2025
काठमाडौं(हाम्रो खेलकुद) – धनगढीमा भईरहेको अर्जुन ट्रफी राष्ट्रिय क्रिकेट प्रतियोगितामा क्रिकेट प्रतियोगितामा बोष्टन क्रिकेट झापाले घोडाघोडी-११ माथि राेमाञ्चक जित हात पारेको छ । बुधवार भएको दिनको दोस्रो खेलमा बोष्टनले घोडाघोडी- ११ माथि १ रनको रोमाञ्चक जित हासिल गर्यो । यो हारसँगै घोडाघोडी-११ समूह चरणबाटै बाहिरिएको छ । बोष्टनले दिएको १ सय ६२ रनको लक्ष्य पछ्याएको […]