काठमाडौं (हाम्रो खेलकुद) – नेपाली घरेलु क्रिकेटका सर्वाधिक सफल कप्तान शरद भेषावकरको स्थानमा नेपाल टि२० लिगमा पोखरा एभेन्जर्सको कप्तानी उपुल थरंगाले गर्ने भएका छन् ।

पोखराले विराटनगर सुपर किंग्सविरुद्ध टस हारेर पहिला ब्याटिङ गरि राखेको छ । पोखराको कप्तानी उपुल थरंगाले गरेका छन् । शरद टोलीको प्लेइङ-११ मा भएपनि कप्तानी जिम्मेवारी उपुल थरंगाले गरेका हुन् । टसमा पनि थरंगा नै आएका थिए ।
पोखरा लगातार तीन खेलमा पराजित भएको छ ।

पोखरा काठमाडौं नाइट्ससँग २६ रन, जनकपुर रोयल्ससँग पाँच विकेट र लुम्बिनी अल स्टार्ससँग तीन विकेटले पराजित भएको थियो । आमिर हाम्जाको स्थानमा पोखराले सुमित महर्जनलाई खेलाएको छ । विराटनगरका प्रमुख खेलाडी सिकन्दर राजा घाइते हुँदा आजको खेल गुमाएका छन् ।

पोखराको प्लेइङ ११ : आसिफ शेख, शरद भेषावकर, कुशल मल्ल, प्रतिश जि.सी. आरिफ शेख, विपिन खत्री, सिद्धान्त लोहनी, सुमित महर्जन, उपुल रथंगा(कप्तान), जाहिर खान र अभिमन्नयु मिथुन ।

विराटनगरको प्लेइङ ११ : रोहित कुमार पौडेल, अजुन साउद, नन्दन यादव, साहब आलम, पृथु बास्कोटा, रिजन ढकाल, विवेक कुमार यादव, मोहम्मद हुसेन तालत, रौरांशु शर्मा र राज रोक्की।