काठमाडौं (हाम्रो खेलकुद) – भारतीय यू–१९ विश्वकप विजेता कप्तान उन्मुक्त चन्दलाई लुम्बिनी अल स्टार्सले नेपाल टि२० लिगमा फार वेस्ट युनाइटेडविरुद्ध बेन्चमा राखेको छ । लुम्बिनीले सुरुवाती तीन खेलमा खराब प्रदर्शनपछि भारतीय विश्वकप विजेता कप्तानलाई बेन्चमा राख्दै आइपिएल खेलि सकेका अर्का स्टारलाई मैदान उतारेको छ ।

टियु मैदानमा भएको टसमा कप्तान दीपेन्द्रसिंह ऐरीले टस जितेर पहिला फिल्डिङ गर्ने निर्णय लिएका छन् । लुम्बिनीले उन्मुक्त चन्दलाई बेन्चमा राख्दै भारतीय अलराउन्डर विपुल शर्मालाई मैदान उतारेको छ । त्यस्तै स्पिनर तिलकराज भण्डारीलाई बेन्चमा राख्दै सुनिल धमलालाई मैदान उतारेको छ । धमलाले नेपाल टि२० लिग पहिलो पटक खेल्दैछन् ।

तिलकलाई पोखरा एभेन्जर्सविरुद्ध मैदान उतारेपनि बलिङ दिएको थिएन । उन्मुक्त चन्द सुरुवाती दुई खेलमा फार वेस्ट युनाइटेड र विराटनगर सपर किंग्सविरुद्ध २-२ रनमा आउट भएका थिए । पोखरा एभेन्जर्सविरुद्ध उन्मुक्त ३४ बलमा २२ रन मात्रै बनाएका थिए । उनको स्थानमा सुनिल धमलालाई मौका दिएको छ । धमला पछिल्लो समय राम्रो लयमा छन् ।

फार वेस्ट तेसो खेलमा पनि दुई विदेशी खेलाडीका साथ मैदान उत्रिएको छ । बसन्त खत्रीको स्थानमा हासिम अन्सारीलाई मैदान उतारेको छ । हासिम मध्यक्रमका ब्याटर हुन् ।

लुम्बिनीको प्लेइङ ११ : दीपेन्द्रसिंह ऐरी, अनिल कुमार शाह, गुलशन झा, सागर ढकाल, किशोर महतो, सुनिल धमला, शड्ली भान सेक्किक, विपुल शर्मा र हरम्रीत सिंह ।

फार वेस्ट युनाइटेडको प्लेइङ ११ : करण केसी, विनोेद भण्डारी, भीम सार्की, देव खनाल, राशिद खान, भुवन कार्की, हरिशंकर शाह, शेर मल्ल, हासिम अन्सारी, हशमतुल्लाह शाहिदी र उमेर अली खान ।