काठमाडौं (हाम्रो खेलकुद) – लुम्बिनी अल स्टार्सले नेपाल टि२० लिगमा आफ्नो तेस्रो खेलमा पोखरा एभेन्जर्सविरुद्ध दुई विदेशी खेलाडीसहित तीन खेलाडी परिवर्तन गरेको छ ।

टियु क्रिकेट मैदानमा भएको टसमा लुम्बिनीका कप्तान दीपेन्द्रसिंह ऐरीले टस जितेर पहिला फिल्डिङ गर्ने निर्णय लिएका हुन् । लुम्बिनीले आजको खेलमा टोलीमा तीन परिवर्तन गरेको छ ।

लुम्बिनीले तीव्र गतिका बलर विपुल शर्मा, प्याट ब्राउन र योगेन्द्रसिंक कार्कीलाई बेन्चमा राखेको छ । शड्ली भान सेक्किक, हरम्रीत सिंह र तिलकराज भण्डारीलाई खेलाएको छ । पोखराले अलराउन्डर विपिन खत्रीलाई मौका दिँदा मौसम ढकाललाई बेन्चमा राखेको छ ।

लुम्बिनी लगातार तेस्रो जितको सोचमा हुनेछ । लुम्बिनीले पहिलो खेलमा फार वेस्ट युनाइटेडलाई ६७ रन र दोस्रो खेलमा विराटनगर सुपर किंग्सलाई तीन रनले हराएको थियो । पोखरा पहिलो जितको सोचमा हुनेछ । पोखरा काठमाडौं नाइट्ससँग २६ रन र जनकपुर रोयल्ससँग पाँच विकेटले पराजित भएको थियो ।

पोखराको प्लेइङ ११ : आसिफ शेख, शरद भेषावकर, कुशल मल्ल, प्रतिश जि.सी, आरिफ शेख, विपिन खत्री, सिद्धान्त लोहनी, उपुल थरंगा, जाहिर खान, आमिर हम्जा र अभिमन्यु मिथुन ।

लुम्बिनीको प्लेइङ ११ : दीपेन्द्रसिंह ऐरी, अनिल कुमार शाह, गुलशन झा, सागर ढकाल, किशोर महतो, तिलक भण्डारी, शड्ली भान सेक्किक, उन्मुक्त चन्द र हरम्रीत सिंह ।