एजेन्सी – विश्व टेस्ट क्रिकेटको १ सय ४५ वर्षको इतिहासमा पहिलो पटक सुरुवाती दुबै ब्याटर स्टम्पिङ आउट भएका छन् । न्युजिल्यान्डसँगको पहिलो टेस्ट खेलमा पाकिस्तानका सुरुवाती दुबै ब्याटर स्टम्पिङ आउट हुँदै दुर्लभ कीर्तिमान बनाएका छन् ।

स्पिनर अजाज पटेलको चौथो ओभरको तेस्रो बलमा ओपनर अब्दुल्लाह शफिक ७ रनमा विकेटकिपर टम ब्लन्डेलबाट स्टम्पिङ आउट भए । सातौं ओभरको पहिलो बलमा शन मसुद माइकल ब्रेसवेलको बलमा तीन रनमा स्टम्पिङ आउट भएका थिए ।

यो पुरुष टेस्ट इतिहासमा पहिलो सुरुवाती दुई विकेट स्टम्पिङ आउट भएको पहिलो पटक हो । महिला टेस्ट खेलमा भने सन् १९७६ मा अष्ट्रेलिया र वेस्टइन्डिजबीचको खेल पनि सुरुवाती दुई ब्याटर स्टम्पिङ आउट भएका थिए ।

पहिलो टेस्ट खेलमा कराँचीमा टस जितेर पहिला ब्याटिङ रोज्दै ३२ ओभरमा ४ विकेट गुमाउँदै १ सय २९ रन बनाएको छ । पाकिस्तानका कप्तान बाबर आजम ९१ बलमा ७ चौकासहित ६४ रनमा क्रिजमा अविजित छन् । पाकिस्तानले मोहम्मद रिजवानको स्थानमा शरफराज खानलाई खेलाएको छ।

न्युजिल्यान्डले २००२ पछि पाकिस्तानमा क्रिकेट खेलि राखेको छ । न्युजिल्यान्डको टोली गतवर्ष पाकिस्तान भ्रमण गरेपनि अन्तिम समयमा सुरक्षाको कारण देखाउँदै नखेल्ने निर्णय लिँदै फर्किएको थियो ।