2 years ago
December 26, 2022
काठमाडौं (हाम्रो खेलकुद) – कप्तान हशमतुल्लाह शाहिदीको अलराउन्ड प्रदर्शनमा फार वेस्ट युनाइटेडले नेपाल टि२० लिगमा काठमाडौं नाइट्सलाई चार विकेटले हराएको छ । फार वेस्टले पहिलो जित हात पार्दा काठमाडौंको पहिलो हार हो ।
जितको लागि ९९ रनको सामान्य लक्ष्य पछ्याएको फार वेस्ट युनाइटेडले १९.१ ओभरमा ६ विकेट गुमाउँदै पूरा गर्यो । फार वेस्टका लागि कप्तान हशमतुल्लाह शाहिदीले ४९ बलमा ३ चौका र २ छक्कासहित सर्वाधिक ५० रनमा अविजित रहे । कप्तान शाहिदी बाहेक अन्यको भने राम्रो प्रदर्शन हुन सकेन ।
ओपनर देव खनाल २८ बलमा २ चौकासहित १७ रन र हरिशंकर शाह शून्यमा आउट भए । भीम सार्की ११, विनोद भण्डारी ४, बसन्त कार्की शून्य र उमेर अली एक रनमा आउट भए । करण केसी ७ बलमा १ चौकासहित ८ रनमा अविजित रहे ।
काठमाडौंका अनिल खरेलले ४ ओभरमा १ मेडनसहित १० रन खर्चेर २ विकेट लिए । आजमतुल्लाह ओमरजाई, रयान बर्ल, बसिर अहमद र अभिनाश बोहराले एक एक विकेट लिए ।
त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको काठमाडौंले निर्धारित २० ओभरमा ९ विकेट गुमाउँदै ९८ रन बनायो । काठमाडौंका लागि इंग्ल्यान्डका एलेक्स ब्लेक ३७ बलमा ५ चौका र १ छक्कासहित सर्वाधिक ४५ रनमा अविजित रहे । अन्तिम ओभरमा करण केसीलाई ब्लेकले १६ रन बटुल्दै एक सय रन नजिक पुर्याए ।
खराब ब्याटिङ गर्नेक्रममा काठमाडौंका ८ खेलाडीले दोहोरो अंकमा रन बनाउन सकेनन् । ओपनर विरनदीप सिंहलाई स्पिनर शेर मल्ले चौथो ओभरको अन्तिम बलमा चार रनमा बोल्ड गरे । विरनदीले १० बल खेल्दा बाउन्ड्री प्रहार गर्न सकेनन् । स्पिनर भुवन कार्कीको बलमा ठूलो सट खेलेका सन्तोष कार्की २० बलमा १ चौकासहित १२ रनमा उमेर अलीबाट आउट भए ।
कप्तान ज्ञानेन्द्र मल्ल ९ बलमा १ छक्कासहित १३ रनमा आउट भए । ज्ञानेन्द्र हशमतुल्लाह शाहिदीको बलमा एलबीडब्लू आउट हुन पुगेका थिए । उमेर अलीको बलमा रयान बर्ल एज लागेर विकेटकिपर विनोद भण्डारीबाट दुई रनमा क्याच आउट भए । शाहिदीकै बलमा लोकेश बम खराब सट खेल्दै सट लेगमा शेर मल्लबाट क्याच आउट भए ।
पहिलो खेलमा पोखरा एभेन्जर्सविरुद्ध ८५ रनको उत्कृष्ट इनिङ खेलेका आजमतुल्लाह ओमरजाई स्पिनर भुवन कार्कीको बलमा ठूलो सट खेल्ने धुनमा डिप मिडविकेटमा राशिद खानबाट तीन रनमा क्याच भएपछि १३ ओभरमा ६५–६ को दयनीय अवस्थामा पुगेको थियो ।
फार वेस्टका हशमतुल्लाह शाहिदीले ४ ओभरमा १५ रन खर्चेर २ विकेट लिए । उमेर अलीले ४ ओभरमा १५ रन खर्चेर ३ विकेट लिए । भुवन कार्कीले २ ओभरमा ११ रन खर्चेर २ विकेट लिए । शेर मल्लले ४ ओभरमा १३ रन खर्चेर १ विकेट लिए । काठमाडौंले पहिलो खेलमा पोखरा एभेन्जर्सलाई २६ रनले हरायो । फार वेस्ट लुम्बिनी अल स्टार्ससँग ६७ रनले पराजित भएको थियो ।
February 6, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजमा १ खेल अगावै उपाधी जित्ने लक्ष्यमा थाइल्याण्ड नेदरल्याण्ड्ससँग खेल्दैछ । दुईबीचको खेल कीर्तिपुरस्थित टियु क्रिकेट मैदानमा दिउँसो १२ः१५ बजे सुरु हुनेछ । सिरिजमा थाइल्याण्ड पाँचौ जित निकाल्दै सिरिज जित्ने लक्ष्यमा छ । थाइल्याण्डले नेपाल र नेदरल्याण्ड्ससँग खेलेका दुवै खेलमा जित हासिल गरेको थियो । नेदरल्याण्ड्सलाई भने […]
February 5, 2025
काठमाडौं(हाम्रो खेलकुद) – धनगढीमा भईरहेको अर्जुन ट्रफी राष्ट्रिय क्रिकेट प्रतियोगितामा क्रिकेट प्रतियोगितामा बोष्टन क्रिकेट झापाले घोडाघोडी-११ माथि राेमाञ्चक जित हात पारेको छ । बुधवार भएको दिनको दोस्रो खेलमा बोष्टनले घोडाघोडी- ११ माथि १ रनको रोमाञ्चक जित हासिल गर्यो । यो हारसँगै घोडाघोडी-११ समूह चरणबाटै बाहिरिएको छ । बोष्टनले दिएको १ सय ६२ रनको लक्ष्य पछ्याएको […]
February 5, 2025
काठमाडौं(हाम्रो खेलकुद) – पूजा महतोको अर्धशतकको बाबजुद नेपालले त्रिकोणात्मक टि ट्वान्टी आई सिरिजमा बुधवार नेदरल्याण्ड्ससँग पराजित भएको छ । नेपालले १० विकेटले पराजित भएको छ । सिरिजमा नेपालको यो लगातार पाचौं हार हो ।१ सय ४६ रनको लक्ष्य नेदरल्याण्ड्सले १९.४ ओभरमा कुनै विकेट नगुमाइ पूरा गर्यो । नेदरल्याण्ड्सको जितमा स्ट्रि कालिसले नट आउट रहँदै सर्वाधिक […]
