2 years ago
December 24, 2022
काठमाडौं (हाम्रो खेलकुद) – कप्तान दीपेन्द्रसिंह ऐरीको अलराउन्ड प्रदर्शनमा उपाधि दाबेदार लुम्बिनी अल स्टार्सले नेपाल टि२० लिगमा फार वेस्ट युनाइटेडलाई ६७ रनले हराउँदै सानदार विजयी सुरुवात गरेको छ ।
जितको लागि १ सय ५३ रनको विजयी लक्ष्य पछ्याएको फार वेस्ट युनाटेड १६.२ ओभरमा ८५ रनमा अल आउट भयो । उसका लागि कप्तान हशमतुल्लाह शाहिदीले ४४ बलमा २ चौकासहित सर्वाधिक ३५ रनमा आउट भए । विकेटकिपर विनोद भण्डारी ११ बलमा १ छक्कासहित १३ रनमा आउट भए ।
अन्य कुनैपनि फार वेस्टका खेलाडीले दोहोरो अंकमा रन बनाउन सकेनन् । लुम्बिनीको सानदार बलिङ सामू फार वेस्टका ९ खेलाडीले दोहोरो अंकमा रन बनाउन सकेनन् । ओपनर देव खनाल ९, हरिशंकर शाह शून्य, भीम सार्की तीन, बसन्त कार्की दुई, राशिद खान एक, उमेर अली चार र करण केसी एक रनमा आउट भए ।
लुम्बिनीका दीपेन्द्रसिंह ऐरीले २.२ ओभरमा ६ रन खर्चेर ३ विकेट लिए । सागर ढकालले ४ ओभरमा १७ रन खर्चेर २ विकेट लिए । प्याट ब्राउन, किशोर महतो र विपुल शर्माले एक एक विकेट लिए ।
त्यसअघि टियु क्रिकेट मैदानमा टस जितेर पहिला ब्याटिङ रोजेको लुम्बिनीले निर्धारित २० ओभरमा ७ विकेट गुमाउँदै १ सय ५२ रन बनायो । लुम्बिनीको लागि ओपनर लाहिरु मिलान्थाले ५० बलमा ८ चौका र १ छक्कासहित सर्वाधिक ६० रनको योगदान दिए ।
गुलशन झाले १० बलमा ३ छक्कासहित २५ रनमा रन आउट भए । अन्तिम ओभरमा अन्तिम बलमा बल पाएका गुलशन रन आउट भएका थिए । अन्तिम ओभरमा एक रन आउट सहित करण केसीले मात्रै ६ रन खर्चिए कुल तीन विकेट लिए ।
प्रमुख ब्याटर तथा ओपनर उन्मुक्त चन्द दोस्रो ओभरमै आउट हुन पुगे । टियु एन्डबाट आएका करण केसीले दोस्रो ओभरको अन्तिम बलमा उन्मुक्त चन्दलाई विकेटकिपर विनोद भण्डारीबाट दुई रनमा गराए । चन्दले सात बल खेल्दा उनले कुनैपनि बाउन्ड्री प्रहार गर्न सकेनन् ।
कुशल भुर्तेल उमेर अलीको बलमा सात रनमा शेर मल्लबाट क्याच आउट भए । तेस्रो विकेटका लागि दीपेन्द्रसिंह ऐरी र लाहिरु मिलान्थाले ७२ बलमा ८४ रनको साझेदारी गर्दै इनिङ उकासेका थिए ।
कप्तान दीपेन्द्रसिंह ऐरी ३५ रनमा उमेर अलीको बलमा एलबीडब्लू आउट भए । दीपेन्द्रले ३८ बलमा २ चौका र १ छक्का प्रहार गरे । विपुल शर्मा ७ बलमा २ चौकासहित १२ रनमा आउट भए । फार वेस्ट युनाइटेडका उमेर अलीले ४ ओभरमा ३० रन खर्चेर ३ विकेट लिए । करण केसीले ४ ओभरमा ३३ रन खर्चेर ३ विकेट लिए ।
लुम्बिनीले दोस्रो खेलमा आइतबार विराटनगर सुपर किंग्ससँग खेल्नेछ । फार वेस्ट युनाइटेडले सोमबार काठमाडौं नाइट्ससँग खेल्नेछ । काठमाडौंले पहिलो खेलमा पोखरालाई २६ रनले हराउँदै विजयी सुरुवात गरेको छ ।
February 6, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजमा १ खेल अगावै उपाधी जित्ने लक्ष्यमा थाइल्याण्ड नेदरल्याण्ड्ससँग खेल्दैछ । दुईबीचको खेल कीर्तिपुरस्थित टियु क्रिकेट मैदानमा दिउँसो १२ः१५ बजे सुरु हुनेछ । सिरिजमा थाइल्याण्ड पाँचौ जित निकाल्दै सिरिज जित्ने लक्ष्यमा छ । थाइल्याण्डले नेपाल र नेदरल्याण्ड्ससँग खेलेका दुवै खेलमा जित हासिल गरेको थियो । नेदरल्याण्ड्सलाई भने […]
February 5, 2025
काठमाडौं(हाम्रो खेलकुद) – धनगढीमा भईरहेको अर्जुन ट्रफी राष्ट्रिय क्रिकेट प्रतियोगितामा क्रिकेट प्रतियोगितामा बोष्टन क्रिकेट झापाले घोडाघोडी-११ माथि राेमाञ्चक जित हात पारेको छ । बुधवार भएको दिनको दोस्रो खेलमा बोष्टनले घोडाघोडी- ११ माथि १ रनको रोमाञ्चक जित हासिल गर्यो । यो हारसँगै घोडाघोडी-११ समूह चरणबाटै बाहिरिएको छ । बोष्टनले दिएको १ सय ६२ रनको लक्ष्य पछ्याएको […]
February 5, 2025
काठमाडौं(हाम्रो खेलकुद) – पूजा महतोको अर्धशतकको बाबजुद नेपालले त्रिकोणात्मक टि ट्वान्टी आई सिरिजमा बुधवार नेदरल्याण्ड्ससँग पराजित भएको छ । नेपालले १० विकेटले पराजित भएको छ । सिरिजमा नेपालको यो लगातार पाचौं हार हो ।१ सय ४६ रनको लक्ष्य नेदरल्याण्ड्सले १९.४ ओभरमा कुनै विकेट नगुमाइ पूरा गर्यो । नेदरल्याण्ड्सको जितमा स्ट्रि कालिसले नट आउट रहँदै सर्वाधिक […]
