काठमाडौं (हाम्रो खेलकुद) – अफगानिस्तानका अलराउन्डर आजमतुल्लाह ओमारजाईको विष्फोटक ब्याटिङमा काठमाडौं नाइट्सले नेपाल टि२० लिगको पहिलो खेलमा पोखरा एभेन्जर्सलाई १ सय ६३ रनको मध्यम लक्ष्य दिएको छ ।

टियु क्रिकेट मैदानमा टस हारेर पहिला ब्याटिङ थालेको काठमाडौंले निर्धारित १९ ओभरमा ५ विकेट गुमाउँदै १ सय ६२ रन बनायो । काठमाडौंका आजमतुल्लाह ओमरजाईले ४२ बलमा ३ चौका र ७ छक्कासहित सर्वाधिक ८५ रनमा अविजित रहे । ओमरजाईले आरिफ शेखलाई छक्का हान्दै २७ बलमा अर्धशतक पूरा गरेका थिए ।

सुनाम गौतम २८ बलमा २ चौकासहित २८ रनमा अविजित रहे । एक समय खराब सुरुवात गर्दै ४८–५ को दयनीय अवस्थामा पुगे काठमाडौंलाई ओमरजाई र गौतमले १ सय १४ रनको अविजित शतकीय साझेदारी गर्दै उत्कृष्ट पूनरागमन गराए ।

तीव्र गतिका बलर प्रतिश जि.सीले टियु एण्डबाट आउँदै काठमाडौंका कप्तान ज्ञानेन्द्र मल्ललाई बोल्ड गर्दै डक आउट पेभेलिएन फर्काए । प्रतिशले दोस्रो ओभरको तेस्रो बलमा ओपनर सन्तोष काकीलाई ३ रनमा बोल्ड गरेको छ । कप्तान ज्ञानेन्द्र मल्ललाई पाँचौं बलमा शून्यमा बोल्ड आउट गरे ।

त्यसपछि स्पिनर जाखिर खानले मध्यक्रम धरासयी बनाए । इंग्ल्यान्डका एलेक्स ब्लेक २२ बलमा २ चौका र १ छक्कासहित २१ रनमा आउट भए । उनी जाहिरको बलमा बोल्ड भए । जाहिर खानले लोकेश बमलाई ४ रनमा बोल्ड गरे । ओपनर विरनदीप सिंहलाई स्पिनर मौसम ढकालले १० रनमा एलबीडब्लू आउट गरे । उनले १५ बल खेलेका थिए ।

पोखराका प्रतिश जि.सीले ३ ओभरमा ३१ रन खर्चेर २ विकेट लिए । जाहिर खानले ३ ओभरमा ३० रन खर्चेर २ विकेट लिए । मौसम ढकालले ४ ओभरमा ३२ रन खर्चेर १ विकेट लिए ।