काठमाडौं (हाम्रो खेलकुद) – पोखरा एभेन्जर्सका बायाँ हाते तीव्र गतिका बलर प्रतिश जि.सी.ले नेपाल टि२० लिगमा काठमाडौं नाइट्सविरुद्ध एकै ओभरमा दुई विकेट लिएका छन् ।

टियु क्रिकेट मैदानमा टस हारेर पहिला ब्याटिङ थालेको काठमाडौंले ५ ओभरमा २ विकेट गुमाउँदै २५ रन बनाएको छ । काठमाडौंका एलेक्स ब्लेक १४ बलमा १ चौका र १ छक्कासहित १५ रनमा अविजित छन् । उनलाई विरनदीप सिंहले ४ रनमा अविजित रहेका छन् ।

तीव्र गतिका बलर प्रतिश जि.सीले टियु एण्डबाट आउँदै काठमाडौंका कप्तान ज्ञानेन्द्र मल्ललाई बोल्ड गर्दै डक आउट पेभेलिएन फर्काएका छन् । प्रतिशले दोस्रो ओभरको तेस्रो बलमा ओपनर सन्तोष काकीलाई ३ रनमा बोल्ड गरेको छ । कप्तान ज्ञानेन्द्र मल्ललाई पाँचौं बलमा शून्यमा बोल्ड आउट गरे ।

पोखराले आजको खेलमा तुलबहादुर थापा, कृष्ण कार्की, विपिन खत्री र सुमित महर्जनलाई बेन्चमा राखेको छ । यसअघि टोलीमै नभएका लेग स्पिनर मौसमलाई विशाल विक्रम केसीको नाम काटेर राखेको छ । काठमाडौंले सौरभ खनाल, सन्दीप रजाली, गौतम केसी र रयान बर्ललाई बेन्चमा राखेको छ ।

पोखराको प्लेइङ ११ : आसिफ शेख(विकेटकिपर), शरद भेषावकर(कप्तान), कुशल मल्ल, प्रतिश जि.सी, आरिफ शेख, सिद्धान्त लोहनी, उपुल थरंगा, जाहिर खान, आमिर हम्जा,मौसम ढकाल र अभिमन्न्यू मिथुन ।

काठमाडौंको प्लेइङ ११ : ज्ञानेन्द्र मल्ल(कप्तान), लोकेश बम, बसिर अहमद, कमलसिंह ऐरी, अभिनाश बोहरा, अनिल खरेल, सन्तोष कार्की, सुनाम गौतम, विरनदीपसिंह, अज्मातुल्लाह ओमरजाई र एलेक्स ब्लेक ।