2 years ago
December 1, 2022
एजेन्सी – विश्वको सर्वाधिक लोकप्रिय फ्रेन्चाइज क्रिकेट इन्डियन प्रिमियर लिग (आइपिएल) २०२३ को मिनी अक्सनमा नेपालका खेलाडी परेका छैनन् । ९ सय ९१ खेलाडीले आइपिएलमा आफ्नो नाम दर्ता गराएका छन् । एसोसिएट देशबाट २० खेलाडीले नाम दर्ता गराउँदा नेपालबाट भने कुनैपनि खेलाडी छैनन् ।
पछिल्ला दुई आइपिएल संस्करणमा नेपालका केहि खेलाडीले नाम दर्ता गराएपनि सर्ट लिष्टमा सन्दीप लामिछानेमात्रै पर्दै आएका थिए । सन्दीप १७ वर्षीय बालिकालाई बलात्कारको आरोपमा काराघारमा हुँदा अन्य नेपाली खेलाडी भने पर्न सकेनन् । सन्दीप नेपालबाट आइपिएल खेल्ने एकमात्रै खेलाडी हुन् । सन् २०१८ देखि २०२० सम्म सन्दीप दिल्लीमा रहेका थिए । २०१८ मा दिल्ली क्यापिटल्सले सन्दीपलाई न्यूनतम २० लाख भारुमा किनेको थियो ।
गतवर्ष आइपिएलमा नेपालका १५ खेलाडीले नाम दर्ता गराएका थिए । आसिफ शेख, पवन सरार्फ, सन्दीप जोरा, कुशल भुर्तेल, रोहित कुमार पौडेल, सुशान भारी, आरिफ शेख, अभिनाश बोहरा, विनोद भण्डारी, शरद भेषावकर, कुशल मल्ल, करण केसी, सोमपाल कामी, दीपेन्द्रसिंह ऐरी र सन्दीप लामिछानेले नाम दर्ता गराएका थिए । सन्दीप बाहेक अन्य सर्टलिष्टमा पर्न सकेनन् ।
यस पटक ७ सय १४ भारतीय र २ सय ७७ विदेशी खेलाडीले नाम दर्ता गराएका छन् । मिनी अक्सन आगमी डिसेम्बर २३ मा कोचीमा हुनेछ । बिसिसिआईले नाम दर्ताबाट अक्सनमा जाने खेलाडीको नाम सर्टलिष्ट गर्नेछ । सर्ट लिष्टमा पर्ने खेलाडीमात्रै अक्सनमा जानेछन् । अक्सनमा न्यूनतम मूल्य २० लाख र उच्चतम मूल्य २ करोड भारु हुनेछ । जसबाट अक्सनमा खेलाडीमाथि लिलामी सुरुहुनेछ ।
अक्सनमा एसोसिएट देशबाट नेदरल्यान्ड्सबाट सर्वाधिक ७ खेलाडी छन् । एसोसियट टोली नामिबियाबाट ५, स्कटल्यान्ड २ र युएईबाट ६ खेलाडी छन् ।
सर्वाधिक धेरै अष्ट्रेलियाबाट ५७ खेलाडीले नाम दर्ता गराएका छन् । अफगानिस्तानबाट १४, बंगलादेशबाट ६, इंग्ल्यान्डबाट ३१, आयरल्यान्डबाट ८, न्युजिल्यान्डबाट २७, दक्षिण अफ्रिकाबाट ५२, श्रीलंकाबाट २३, वेस्टइन्डिजबाट ३३ र जिम्बावेबाट ६ खेलाडी छन् ।
एक फ्रेन्चााइज टोलीले अक्सनमा बढीमा २५ खेलाडी राख्न पाउँछन् । बढीमा ८ विदेशी खेलाडी मात्रै राख्न पाइन्छ । यस पटकको अक्सनमा कुल ८७ खेलाडी फ्रेन्चाइज टोलीको लागि आवश्यक छ । त्यसमा ३० खेलाडी विदेशी कोटामा विक्नेछन् । यदि फ्रेन्चाइज टोलीले चाहेको खण्डमा कुनैपनि खेलाडीलाई सर्टलिष्टमा नाम राख्दै अक्सनमा किन्न सक्छ । नाम दर्ता नगराएका खेलाडी अक्सनमा जान फ्रेन्चाइज टोलीले नै बिसिसिआईलाई आग्रह गर्नुपर्ने हुन्छ ।
December 17, 2024
काठमाडौं(हाम्रो खेलकुद) – मलेसियामा जारी एसिसी यु १९ महिला एसिया कपमा नेपालले भारतविरुद्ध टस हारेको छ । मंगलवार मलेसियामा भारतले टस जितेर नेपाललाई ब्याटिङको निम्तो दिएको हो । पहिलो पटक आयोजना भइरहेको महिला एसिया कपमा नेपालले आफ्नो दोस्रो खेल खेल्दैछ । नेपालले पहिलो खेलमा पाकिस्तानलाई पराजित गरेर सुपर ४ मा स्थान पक्का गरेको छ । […]
December 17, 2024
काठमाडौं(हाम्रो खेलकुद) – मलेसियामा जारी एसिसी यु १९ महिला एसिया कपमा नेपाली युवा टोलीको दोस्रो खेल आज रहेको छ । मलेसियाको क्वालालाम्पुरमा नेपालले भारतको यु १९ टोलीको सामना गर्दैछ । पहिलो पटक आयोजना भइरहेको महिला एसिया कपमा नेपालले आफ्नो दोस्रो खेल खेल्दैछ । नेपालले पहिलो खेलमा पाकिस्तानलाई पराजित गरेर सुपर ४ मा स्थान पक्का गरेको […]
December 16, 2024
काठमाडौं(हाम्रो खेलकुद) – एसिसी यु १९ महिला एसिया कपमा नेपालले सुपर ४ मा स्थान बनाएको छ । समूह चरणको आफ्नो पहिलो खेलमा पाकिस्तान यु१९ लाई ६ विकेटले पराजित गर्दै नेपालले सुपर ४ मा स्थान बनाएको हो । पाकिस्तान लगातार दोस्रो हारका साथ प्रतियोगिताबाट बाहिरिँदा नेपाल एक खेल अगावै सेमिफाइनल प्रवेश पुगेको हो । पाकिस्तान पहिलो खेलमा […]
