2 years ago
November 26, 2022
काठमाडौं (हाम्रो खेलकुद) – तीव्र गतिका बलर अहमद राजको पाँच विकेटमा बागमती प्रदेशले वाई वाई यू१९ राष्ट्रिय प्रतियोगितामा मधेश प्रदेशलाई १ सय ५२ रनको फराकिलो अन्तरले हराउँदै लगातार तेस्रो जित निकालेको छ । लगातार तेस्रो जितसँगै बागमती शीर्ष स्थानमा रहँदै फाइनल खेल्ने सम्भावना बलियो बनाएको छ ।
जितको लागि २ सय १८ रनको बलियो विजयी लक्ष्य पछ्याएको मधेश २५.५ ओभरमा ६५ रनमा अल आउट भयो । मधेशका कप्तान अभिषेक तिवारीले ३२ बलमा १ चौका र १ छक्कासहित सर्वाधिक १८ रनको योगदान दिए ।
मयन यादवले ३६ बलमा १ चौकासहित ११ रन बनाए । लज्जास्पद ब्याटिङ गर्नेक्रममा मधेशका ९ खेलाडीले दोहोरो अंकमा रन बनाउन सकेनन् । तीन खेलाडी डक आउट भएका थिए ।
बागमती प्रदेशका अहमद राजाले ७ ओभरमा १ मेडनसहित १५ रन खर्चेर ५ विकेट लिए । अभिषेक कोइरालाले २.५ ओभरमा ९ रन खर्चेर ३ विकेट लिए । त्यस्तै सक्रिय कार्की र प्रतिक श्रेष्ठले एक एक विकेट लिए ।
त्यसअघि मुलपानी क्रिकेट मैदानमा टस जितेर पहिला ब्याटिङ थालेको बागमती प्रदेश ४७.३ ओभरमा २ सय १७ रनमा अल आउट भयो । बागमतीका उत्तम थापामगरले ९८ बलमा १२ चौका र १ छक्कासहित सर्वाधिक ७१ रनको योगदान दिए ।
योगेश भाटले ४० बलमा ४ चौका र ४ छक्कासहित ५९ रनको आक्रामक इनिङ खेले । तेस्रो विकेटका लागि योगेश र उत्तमले १ सय ११ रनको सानदार शतकीय साझेदारी गरेका थिए ।
प्रतिक श्रेष्ठ ३० र रोशन विक १४ रनमा आउट हुँदा अन्यले भने राम्रो गर्न सकेनन् । मधेशका तीव्र गतिका बलर राजेश यादवले ९.३ ओभरमा १ मेडनसहित २४ रन खर्चेर ४ विकेट लिए । अब्जित मण्डलले १० ओभरमा ३५ रन खर्चेर ३ विकेट लिए । रन्जित कुमार दुई र अभिषेक तिवारीले एक विकेट लिए ।
बागमती ३ खेलमा ६ अंकका साथ शीर्ष स्थानमा छ । सुदूरपश्चिम २ खेलमा ४ अंकका साथ दोस्रो स्थानमा छ । बागमतीले अव मंगलबार कर्णाली प्रदेशसँग खेल्नेछ । बागमतीले गण्डकीलाई ७४ रन र प्रदेश एकलाई ७२ रनले हराएको थियो ।
July 2, 2024
सुशिल पन्त क्षेत्री, चितवनक्रिकेटर सन्दीप लामिछाने गृह जिल्ला चितवनमा समानित भएका छन् । सन्दीपलाई मंगलबार विभिन्न संस्थाले नगदसहित सम्मान गरेका हुन् । चितवन क्रिकेट संघ र सेन्ट्रल कलेज अफ भोकेसनल ट्रेनिङ प्रालिले उनलाई १ लाख रुपैयाँसहित सम्मान गरेको छ । सेन्ट्रल टावरमा आयोजित एक कार्यक्रमका बीच उनलाई सम्मान गरिएको हो । नेपाली क्रिकेटमा पुर्याएको योगदान […]
July 1, 2024
एजेन्सी – भारतीय क्रिकेट टोलीका अल राउन्डर रविन्द्र जडेजाले टि ट्वान्टी आई क्रिकेटबाट सन्न्यास लिएका छन्। भारतले शनिबार दक्षिण अफ्रिकालाई ७ रनले हराउँदैटि ट्वान्टीबाट विश्वकपको उपाधि जितेको थियो। त्यसपछि स्टार ब्याटर विराट कोहली र त्यसपछि कप्तान रोहित शर्माले टि ट्वान्टी आईबाट सन्न्यासको घोषणा गरेका थिए। त्यसपछि जडेजाले पनि टि ट्वान्टी आईबाट सन्न्यास लिएको घोषणा गरेका […]
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]