बिनोदको बिष्फोटक ब्याटिङमा आर्मी विजयी , २३ बलमा ६७ रन

दिपेन्द्र पोखरेल

बिराटनगर – (हाम्रो खेलकुद) – सातौ राष्ट्रिय खेलकुद अन्तर्गतको क्रीकेट खेलमा त्रिभुवन आर्मिले मध्यपस्चिमाञ्चललाई ३० रनले हराएको छ ।

मोरङको बैझनाथपुरमा भएको खेलमा टस हारेर पहिले ब्याटिङ गरेको आर्मिले निर्धारित २० ओभरमा ५ विकेट गुमाउदै १ सय ५७ बनाएको थियो । आर्मिकलागी बिनोद भण्डारिले बिष्फोटक ब्याटिङ गर्दै २३ बलमा ६७ रन जोडेका थिए । उनले ८ छक्का र ४ चौका प्रहार गरेका थिए । त्यस्तै अनिल मण्डलले ४९ बलको सामना गर्दै ४१ रन जोडे ।

प्रत्युत्तरमा मध्यपस्चिमाञ्चलले २० ओभरमा ९ विकेट गुमाउदै १ सय २७ मात्र जोड्न सफल हुँदा ३० रनको हारको सामना गर्‍यो ।मध्यपश्चिमाञ्चलका लागि प्रज्वल शाहीले २९ तथा राजवीर सिंहले १९ रन बनाए ।