2 years ago
November 13, 2022
काठमाडौं (हाम्रो खेलकुद) – नेपालले पहिलो पटक क्रिकेटतर्फ विश्वकप आयोजना गर्ने भएको छ । नेपाल र बंगलादेशले सन् २०२७ मा हुने यू-१९ महिला टि२० विश्वकप संयुक्त रुपमा आयोजना गर्ने भएका छन् । अन्तर्राष्ट्रिय क्रिकेट परिषद् (आइसिसी) ले आइतबार २०२७ मा हुने यू-१९ आयोजना गर्ने देशको नाम सार्वजनिक गरेको छ ।
जसमा नेपाल र बंगलादेश मिलेर यू-१९ महिला टि२० विश्वकप आयोजना गर्ने भएका हुन् । २०२४ को यू-१९ पुरुष विश्वकप श्रीलंका, २०२६ को जिम्बावे र नामिबियाले आयोजना गर्नेछन् । २०२५ को यू१९ महिला विश्वकप मलेसिया र थाईल्यान्डले आयोजना गर्नेछन् । २०२७ को यु-१९ महिला टि२० विश्वकप बंगलादेश र नेपालले आयोजना गर्नेछन् ।
नेपालले पहिलो पटक कुनैपनि विश्वकप आयोजना गर्नेछ । यसअघि नेपालले कुनैपनि विश्वकप आयोजना गरेको छैन । ‘यो खुशीको खबर हो । यो नेपाली क्रिकेटकै एक ठूलो उपलब्धी पनि हो । हामीले निरन्तर प्रयास गरेका थियौं । विश्वकप आयोजना गर्न हामीले पाँच वटा मैदानको नाम दिएका छौं । जसमा दुईवटा मैदानमा हुनेछ’, क्यानका कार्यबाहक सचिव प्रशान्त विक्रम मल्लले हाम्रो खेलकुदसँग भने ।
गत जेठमा आइसिसी यू१९ महिला विश्वकप छनोटमा नेपालले खराब प्रदर्शनका साथ बाहिरिएको थियो । २०२३ मा दक्षिण अफ्रिकामा पहिलो पटक यू१९ महिला टि२० विश्वकप आयोजना हुन लागेको छ । नेपालले पुरुषतर्फ सन् २०१६ पछि यू१९ विश्वकप खेल्न सकेको छैन ।
नेपालले हाल भने २०२३ मा भारतमा हुने एकदिवसिय पुरुष विश्वकप छनोटको लागि विश्वकप लिग २ खेलेको छ । २०२४ को टि२० विश्वकपको लागि एसिया क्षेत्र छनोट खेल्नु पर्ने हुन्छ । २०२४ देखि विश्वकपमा २० टोली हुनेछन् । जसमा १२ टोली सोझै छनोट भई सकेका छन् । २०२७ को एकदिवसीय विश्वकपमा १४ टोली सहभागी हुनेछन् ।
नेपालले अन्तिम पटक घरेलु मैदानमा आइसिसीको ठूलो प्रतियोगिता रुपमा सन् २०१० मा डिभिजन फाइभ आयोजना गरेको थियो । नेपालले फाइनलमा अमेरिकालाई पाँच विकेटले हराउँदै पहिलो आइसिसी उपाधि जितेको थियो ।
पछिल्लो पटक टियु मैदानमा ठूलो प्रतियोगिताको रुपमा एसिसी टि२० कप २०१३ आयोजना गरेको थियो । त्यसपछि अन्तर्राष्ट्रिय सिरिज आयोजना गर्दै आएको छ । २०२० मा आइसिसी विश्वकप लिग २ अन्तर्गत नै नेपाल, अमेरिका र ओमानबीच त्रिकोणात्मक सिरिज आयोजना गरेको थियो ।
टियु मैदानमा त्रिकोणात्मक र दुई देशबीचको सिरिज भने लगातार आयोजना गर्दै आएको छैन । टियु क्रिकेट मैदानमा सोमबारदेखि नेपाल र युएईबीचको तीन ओडिआई खेलको सिरिज पनि सुरु हुँदैछ ।
February 26, 2025
काठमाडौं(हाम्रो खेलकुद) – धनगढीमा सम्पन्न तेश्रो संस्करणको एसपिए कैलाली प्रिमियर लिग(केपिएल) को उपाधि भिमदत्त नगरपालिकाले जितेको छ । बुधबार भएको फाइनल खेलमा पुनर्वास नगरपालिकालाई ५ विकेटले पराजित गर्दै भिमदत्तले उपाधिमाथि जितेको हो । भिमदत्तलाई उपाधि दिलाउन साजन बिटालु र प्रकाश पायडेयले ९३ रनको अर्धशतकीय साझेदारी गरे । बिटालुले ६७ तथा पाण्डेयले ५४ रनको अविजित अर्धशतकीय […]
February 26, 2025
काठमाडौं(हाम्रो खेलकुद) – नन्दन यादवले अलराउण्ड प्रदर्शनको सहयोगमा प्रधानमन्त्री कप बागमती प्रादेशिक छनोट प्रतियोगितामा ललितपुरले लगातार दोस्रो जित हासिल गरेको छ । लगातार दोश्रो जित दर्ता गर्ने क्रममा ललितपुरले भक्तपुरमाथि ९६ रनको जित हात पारेको हो । ललितपुरले दिएको २ सय ८४ रनको लक्ष्य पछ्याएको भक्तपुरले निर्धारित ५० ओभरमा ९ विकेट गुमाएर १ सय ८७ […]
February 26, 2025
एजेन्सी – इब्राहिम जाद्रानको कीर्तिमानी शतक सहयोगमा अफगानिस्तानले इङ्ग्ल्याण्डलाई बलियो लक्ष्य दिएको छ । जारी खेलमा अफगानिस्तानले इङ्ग्ल्याण्डलाई ३ सय २६ रनको बलियो लक्ष्य दिएको हो । पाकिस्तानको लाहोरमा रहेको गद्दाफी अन्तर्राष्ट्रिय क्रिकेट स्टेडियममा टस जितेर ब्याटिङ गरेको अफगानिस्तानले निर्धारित ५० ओभरमा ७ विकेट गुमाएर ३ सय २५ रनको बलियो योगफल तयार गर्यो । अफगानिस्तानका […]
