2 years ago
November 4, 2022
एजेन्सी – अष्ट्रेलियामा जारी आइसिसी टि२० विश्वकप सुपर १२ को समूह ए को सेमिफाइनलमा पुग्ने दुई टोलीको निर्धारण नेटरनरेटबाट टुङ्गो लाग्ने उच्च सम्भावना छ ।
सुपर १२ को समूह ए मा सबै टोलीले अन्तिम खेल खेल्न बाँकी छ । अफगानिस्तान औपचारिक रुपमा बाहिरिएको छ । अन्य पाँच टोलीको सेमिफाइनल पुग्ने सम्भावना छ । इंग्ल्यान्ड, न्युजिल्यान्ड र अष्ट्रेलिया मजबुत अवस्थामा छन् । तर नेटरनरेटको कारण एक टोली बाहिरिने देखिन्छ ।
न्युजिल्यान्ड, इंग्ल्यान्ड र अष्ट्रेलियाको समान ४ खेलमा ५–५ अंक छ । यदि अन्तिम खेलमा यी तीनै टोली विजयी हुँदा सबैको समान ७–७ अंक हुनेछ । यो अवस्थामा सेमिफाइनलमा पुग्ने दुई टोली नेटरनरेटबाट निर्धारण हुनेछ । हालसम्म न्युजिल्यान्डको नेटरनरेट प्लस २.२३३, इंग्ल्यान्डको प्लस ०.५४७ र अष्ट्रेलियाको माइनस ०.३०४ छ ।
पराजित हुने वा वर्षाको कारण अंक बाँड्ने टोली बाहिरिने देखिन्छ । अष्ट्रेलियालाई अन्य टोलीलाई भन्दा नेटरनरेटमा बढी दबाब हुनेछ । त्यसैले अष्ट्रेलियाले न्युजिल्यान्ड र इंग्ल्यान्ड मध्य एकको हार वा वर्षाको कारण रद्ध चाहन्छ । न्युजिाल्यान्डले आज विहान ९ : ४५ मा आयरल्यान्डसँग खेल्दैछ ।
उता अष्ट्रेलियाले आज दिउँसो नै अफगानिस्तानसँग १ : ४५ मा प्रतिस्पर्धा गर्नेछ । न्युजिल्यान्डले सेमिफाइनलमा स्थान पक्का गर्न कम्तिमा अष्ट्रेलियाको नतिजा पर्खनु पर्छ । अष्ट्रेलियाको भन्दा बढी नेटरनरेट भएमा न्युजिल्यान्ड आज नै सेमिफाइनल पुग्नेछ । अष्ट्रेलियाको नेटरनरेट न्युजिल्यान्डको भन्दा बढी भएमा स्वत सेमिफाइनलमा पुग्नेछ । इंग्ल्यान्डले शनिबार श्रीलंकासँग खेल्नेछ । नेटरनरेटकै कारण साविक विजेता तथा घरेलु टोली अष्ट्रेलिया बाहिरिनु पर्ने खतरा छ ।
पहिलो खेलमा न्युजिल्यान्डसँग ८९ रनले पराजित भएपछि अष्ट्रेलियालाई नेटरनरेटमा ठूलो असर परेको हो । अष्ट्रेलिया सेमिफाइनलमा पुग्न अफगानिस्तानमाथि विशाल जित हात पार्नु पर्ने छ । कम्तिमा न्युजिल्यान्ड र इंग्ल्यान्ड मध्य एकलाई पछि पार्नसक्नुपर्छ । अहिलेको अवस्थामा इंग्ल्यान्डलाई पछि पार्न सहज देखिन्छ ।
श्रीलंका ४ अंक र आयरल्यान्डको ३ अंक छ । श्रीलंका ६ अंकका साथ सेमिफाइनल खेल्न चाहन्छ । त्यसको लागि अष्ट्रेलिया र न्युजिल्यान्ड मध्य एक टोलीले हार्नै पर्छ । उता आयरल्यान्ड सेमिफाइनलमा पुग्न न्युजिल्यान्डमाथि विशाल जित हात पार्नुपर्छ ।
त्यस्तै अष्ट्रेलिया र इंग्ल्यान्डपनि फराकिलो अन्तरले पराजित हुनुपर्छ । यस्तो नतिजा आउँदा समान ५ अंक हुँदा नेटरनरेटको कारण सेमिफाइनल खेल्न सक्छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]