2 years ago
November 4, 2022
एजेन्सी– न्युजिल्यान्डले आइसिसी टि२० विश्वकपमा आज आयरल्यान्डसँग खेल्नैछ । सुपर १२ को समूह ए मा रहेको न्युजिल्यान्डले आफ्नो अन्तिम खेल खेल्दैछ । खेल नेपाली समय अनुसार बिहान ९ : ४५मा एडिलेड ओभलमा सुरुहुनेछ ।
शीर्ष दुईमा रहँदै सेमिफाइनल खेल्न न्युजिल्यान्डले आयरल्यान्डलाई हराउनै पर्ने हुन्छ । जितले सेमिफाइनल पक्कापक्की जस्तै भएपनि नेटरनरेटको कारण अन्य खेलको नतिजा पर्खनु पर्ने हुन्छ । न्युजिल्यान्ड ४ खेलमा २ मा जित, १ मा हार र १ मा अंक बाँड्दै शीर्ष स्थानमा छ । न्युजिल्यान्ड आज विजयी हुँदा ७ अंकका साथ शीर्ष स्थानमा उक्लिने छ ।
आज नै अफगानिस्तान र अष्ट्रेलियाबीच प्रतिस्पर्धा हुँदैछ । शनिबार इंग्ल्यान्डले श्रीलंकासँग खेल्नेछ । आजको खेलमा अष्ट्रेलिया विजयी हुँदा नेटरनरेट कम भएमा न्युजिल्यान्ड सेमिफाइनलमा पुग्नेछ ।
तर न्युजिल्यान्डको भन्दा धेरै भएमा इंग्ल्यान्डको नतिजा पर्खनुपर्ने हुन्छ । न्युजिल्यान्ड, अष्ट्रेलिया र इंग्ल्यान्डको समान ५ अंक छ । नेटरनरेटको कारण न्युजिल्यान्ड शीर्ष, इंग्ल्यान्ड दोस्रो र अष्ट्रेलिया तेस्रो स्थानमा छ ।
अन्तिम खेलमा विजयी हुँदा यी तीन टोलीको समान ७ अंक हुनेछ । जसमा नेटरनरेटमा सेमिफाइनल यात्रा निर्भर रहने देखिन्छ । न्युजिल्यान्डको नेटरनरेट प्लस २.२३३, इंग्ल्यान्डको प्लस ०.५४७ र अष्ट्रेलियाको माइनस ०.३०४ रहेको छ । त्यस्तै नेटरनरेट निर्णायक हुने अनुमान गरिएको छ । पराजित हुने वा वर्षाको कारण अंक बाँड्ने टोली बाहिरिनु पर्ने छ । अष्ट्रेलियालाई अन्य टोलीलाई भन्दा नेटरनरेटमा बढी दबाब हुनेछ ।
यता आयरल्यान्ड ४ खेलमा ३ अंक छ । आयरल्यान्ड सेमिफाइनलमा पुग्न न्युजिल्यान्डमाथि विशाल जित हात पार्नुपर्छ । अर्कोतर्फ इंग्ल्यान्ड र अष्ट्रेलिया मध्य एकले पनि हार्नुपर्ने हुन्छ ।
न्युजिल्यान्डका ग्लेन फिलिप्स राम्रो लयमा छन् । जारी विश्वकपमा उनले बंगलादेशविरुद्ध शतक हानेका थिए । कप्तान केन विलियम्सनबाट महत्वपूर्ण खेलमा उच्च प्रदर्शन चाहन्छ । ओपनर फिन एलेन र डेभन कन्वेको प्रदर्शन निकै महत्वपूर्ण हुनेछ ।
न्युजिल्यान्डलाई अन्य टोलीलाई जस्तो नेटरनरेटको भने चिन्ता खासै हुनेछैन । तल्लोक्रम न्युजिल्यान्डको कमजोरीको रुपमा छ ।
डर्याल मिचेल, मिचेल सान्टनार र जेम्श निसमबाट उत्कृष्ट अन्त्य चाहन्छ । न्युजिल्यान्डको तीव्र गतिको बलिङ आक्रामण मजबुत छ । ट्रेन्ट बोल्ट, टिम साउथी र लोकी फर्गुसनको सामना गर्न सहज हुनेछैन । स्पिनरमा मिचेल सान्टनार र ईश सोधी हुनेछन् ।
यता आयरल्यान्डले इंग्ल्यान्डलाई पाँच रनले स्तब्ध पारेको थियो । आयरल्यान्डका मध्यक्रमका ब्याटर लोर्कान टकर राम्रो लयमा छन् । उनले अष्ट्रेलियाविरुद्ध ७१, इंग्ल्यान्डविरुद्ध ३४ र वेस्टइन्डिजविरुद्ध ४५ रन बनाएका थिए । कप्तान एन्डी बलबिर्नीले पनि राम्रो प्रदर्शन गर्दै आएका छन् ।
बलबिर्नी र पउल स्टर्लिङबाट आक्रामक सुरुवात चाहन्छ । बलबिर्नी र स्टर्लिङको जोडी घातक बन्नसक्छ । आयरल्यान्डको मध्यक्रम भने कमजोरी हो । कर्टिस क्याम्फर र जर्ज डोकरेलले जिम्मेवारी इनिङ खेल्नुपर्ने हुन्छ । आयरल्यान्डका तीव्र गतिका बलर जोशुवा लिटिल, ब्यारी म्याकार्थी, मार्क आदिर र फिओन ह्यान्ड हुनेछन् ।
हेड टु हेड : न्युजिल्यान्ड र आयरल्यान्डबीच कुल चार टि२० आई खेल भएका छन् । जसमा न्युजिल्यान्ड सबै खेलमा विजयी भएको छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]