2 years ago
November 3, 2022
एजेन्सी – पाकिस्तानले आइसिसी टि२० विश्वकपमा दक्षिण अफ्रिकामाथि डकवर्थ लेविस पद्धतिको आधारमा ३३ रनको सानदार जित हात पारेको छ । दक्षिण अफ्रिकामाथि सानदार जितसँगै पाकिस्तानको सेमिफाइनल खेल्ने सम्भावना कायमै रहेको छ ।
जितको लागि १ सय ४२ रनको विजयी लक्ष्य पछ्याएको दक्षिण अफ्रिकाले निर्धारित १४ ओभरमा ९ विकेट गुमाउँदै १ सय ८ रन बनायो । दक्षिण अफ्रिकाका कप्तान टेम्बा बभुमाले १९ बलमा ४ चौका र १ छक्कासहित सर्वाधिक ३६ रन बनाए ।
जितको लागि १ सय ८६ रनको विजयी लक्ष्य पछ्याएको दक्षिण अफ्रिकाले ९ ओभरमा ६९–४ को अवस्थामा वर्षाको कारण खेल रोकिएको थियो । वर्षाको कारण खेल रोकिँदा डकवर्थ लेविस पद्धतिको आधारमा दक्षिण अफ्रिकाले १४ ओभरमा १ सय ४२ रन बनाउनु पर्ने भएको थियो । अर्थात बाँकी ५ ओभरमा ७३ रन जितको लागि चाहिँएको थियो ।
तीव्र गतिका बलर शाहिन शाह अफ्रिदीले ओपनर क्विन्टन डि ककलाई शून्य र राइली रोसोउलाई ७ रनमा आउट गरे । स्पिनर शादब खानले आठौं ओभरमा दुई विकेट लिए । कप्तान टेम्बा बभुमा एज लागेर पहिलो बलमै विकेटकिपर मोहम्मद रिजावनबाट आउट भए । तेस्रो बलमा एडेन माक्ररम २० रनमा बोल्ड भए । माक्ररमले १४ बलमा ४ चौका हाने ।
हेनरिक क्लासेन १५, ट्रिस्टन स्टब्स १८ र वेन पार्नेल ३ रनमा आउट भए । पाकिस्तानका तीव्र गतिका बलर शाहिन शाह अफ्रिदीले ३ ओभरमा १४ रन खर्चेर ३ विकेट लिए । शादब खानले २ ओभरमा १६ रन खर्चेर २ विकेट लिए । मोहम्मद वासिम जुनियरले दुई र नसिम शाहले एक एक विकेट लिए ।
त्यसअघि सिड्नी क्रिकेट मैदानमा टस जितेर पहिला ब्याटिङ रोजेको पाकिस्तानले निर्धारित २० ओभरमा ९ विकेट गुमाउँदै १ सय ८५ रन बनायो । पाकिस्तानका शादब खानले २२ बलमा ३ चौका र ४ छक्कासहित ५२ रनको विष्फोटक इनिङ खेले । शादबले २० बलमा अर्धशतक प्रहार गरेका थिए ।
इफ्तिखार अहमदले ३५ बलमा ३ चौका र २ छक्कासहित ५१ रनमा आउट भए । छैटौं विकेटका लागि शादब र इफ्तिखारले ३६ बलमा ८२ रनको उत्कृष्ट साझेदारी गरेका थिए । पाँचौं विकेटका लागि मोहम्मद नवाज र इफ्तिखारले ३९ बलमा ५२ रनको साझेदारी गरेका थिए ।
ओपनर मोहम्मद रिजवानलाई तीव्र गतिका बलर वेन पार्नेलले पहिलो ओभरको चौथो बलमा बोल्ड आउट गरे । पहिलो विश्वकप खेल खेलेका युवा ब्याटर मोहम्मद हरिस आक्रामक सुरुवात दिलाउनेक्रममा ११ बलमा २ चौका र ३ छक्कासहित २८ रनमा आउट भए । उनी तीव्र गतिका बलर एनरिच नोर्कियाको बलमा एलबीडब्लू आउट भए । रिभ्यु लिएपनि उनी सफल हुन सकेनन् ।
नोर्कियाले नै शन मसुदलाई दुई रनमा आउट गरे । लगातार खराब प्रदर्शन गर्दै आएका कप्तान बाबर आजम १५ बलमा ६ रनमा आउट भए । मोहम्मद नवाज २२ बलमा ४ चौका र १ छक्कासहित २८ रनमा आउट भए ।
दक्षिण अफ्रिकाका एनरिच नोर्कियाले ४ ओभरमा ४१ रन खर्चेर ४ विकेट लिए । वेन पार्नेल, कागिसो रबाडा, लुन्गी एनगिडी र तबरेज शाम्सीले एक एक विकेट लिए ।
पाकिस्तानले अन्तिम खेल अव आइतबार बंगलादेशसँग खेल्नेछ । पाकिस्तान सेमिफाइनल खेल्न उक्त खेलमा फराकिलो अन्तरले विजयी हुनुपर्छ । भारतले आइतबार जिम्बावेसँग खेल्नेछ । दक्षिण अफ्रिकाले नेदरल्यान्ड्ससँग खेल्नेछ । भारत र दक्षिण अफ्रिका मध्य एक टोली पराजित हुनुपर्छ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]