2 years ago
October 30, 2022
एजेन्सी – पाकिस्तानले आइसिसी टि२० विश्वकपमा नेदरल्यान्ड्सलाई ६ विकेटले हराउँदै पहिलो जित हात पारेको छ । पहिलो जितसँगै पाकिस्तानले विश्वकपमा सेमिफाइनल पुग्ने सम्भावना कायमै राखेको छ ।
जितको लागि ९२ रनको विजयी लक्ष्य पछ्याएको पाकिस्तानले १५.५ ओभरमा ४ विकेट गुमाउँदै पूरा गर्यो । पाकिस्तानको जितमा ओपनर मोहम्मद रिजवानले ३९ बलमा ५ चौकासहित सर्वाधिक ४९ रन बनाए ।
बाबर आजम ४, फकार जमान २०, शन मसुद १२, इफ्तिखार अहमद ६ र शादब खानले ४ रन बनाए । नेदरल्यान्ड्सका ब्रेन्डन ग्लोभर २.५ ओभरमा २२ रन खर्चेर २ विकेट लिए । पाउल भान मार्किनले एक विकेट लिए ।
त्यसअघि पर्थमा टस जितेर पहिला ब्याटिङ रोजेको नेदरल्यान्ड्सले निर्धारित २० ओभरमा ९ विकेट गुमाउँदै ९१ रन बनायो । नेदरल्यान्ड्सका लागि कोलिन एकरम्यानले २७ बलमा २ चौकासहित सर्वाधिक २७ रन बनाए ।
कप्तान स्कर्ट एडवार्ड्सले २० बलमा १ चौकासहित १५ रन बनाए । अन्य ब्याटरले भने राम्रो प्रदर्शन गर्न सकेनन् । तीव्र गतिका बलर हरिस रौफको बलमा आँखा मुनीको भागमा चोट लागेपछि बास डि लिड ६ रनमा रिटार्ट भए ।
उनको स्थानमा नेदरल्यान्ड्सले लोगन भान बिकलाई खेलाएको थियो । बिकले ६ रन बनाए । ओपनर स्टेफन माइबर्ग ६, म्याक्स ओडाउड ८, टम कपुर १, रोलेफ भान मर्वे र टिम प्रिंन्गलले ५–५ रन बनाए ।
पाकिस्तानका स्पिनर शादब खानले ४ ओभरमा २२ रन खर्चेर ३ विकेट लिए । मोहम्मद वासिम जुनियरले ३ ओभरमा १५ रन खर्चेर २ विकेट लिए । शाहिन शाह अफ्रिदीले ४ ओभरमा १९ रन खर्चेर १ विकेट लिए । हरिस रौफ र नसिम शाहले एक एक विकेट लिए ।
पाकिस्तान पहिलो खेलमा भारतसँग ४ विकेटले पराजित भएको थियो । दोस्रो खेलमा जिम्बावेसँग एक रनले स्तब्ध भएको थियो । पाकिस्तानले अव बिहीबार दक्षिण अफ्रिका र आइतबार बंगलादेशसँग खेल्नेछ । यी सबै खेल पाकिस्तानले जित्नुपर्छ । त्यस्तै भारतले आज दक्षिण अफ्रिकासँग खेल्दैछ । त्यसपछि बुधबार बंगलादेश र आइतबार जिम्बावेसँग खेल्नेछ । भारतले पनि यी सबै खेल जित्दा पाकिस्तान सेमिफाइनलमा पुग्न सक्छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]