काठमाडौं (हाम्रो खेलकुद) – मधेश प्रदेशले विकेटकिपर अनिल कुमार शाहलाई समेट्दै प्रधानमन्त्री कप एकदिवसिय राष्ट्रिय प्रतियोगिता खेल्ने १४ सदस्य टोली घोषणा गरेको छ ।

नेपाली टोलीबाट खेलि सकेका अनिलले २०१९ मा एपिएफ छाडेर पुलिस गएका थिए । पुलिसमा पर्याप्त अवसर नपाएपछि अनिल प्रदेश फर्किने निर्णय लिएका हुन् ।

ओपनर हरिशंकर शाहको कप्तानीमा अनिल, विवेक यादव र आदिल आलाम जस्ता खेलाडी समेट्दै मधेशले टोली घोषणा गरेको हो । घोषणा टोलीमा पूर्व कप्तान हासिम अन्सारी भने छैनन् । त्यस्तै स्पिनर कुमार थापा पनि टोलीमा पर्न सकेनन् ।
त्यस्तै युवा अलरान्डर विवेक यादव टोलीमा फर्किएका छन् । विवेक चोटका कारण नवौं राष्ट्रिय खेलकुद गुमाएका थिए ।

प्रधानमन्त्री कप कार्तिक १३ देखि २६ गते सम्म काठमाडौंमा हुँदैछ । मधेश समूह बी मा छ । समूह बी मा नेपाल पुलिस क्लब, बागमती प्रदेश, लुम्बिनी प्रदेश, मधेश प्रदेश र प्रदेश १ छन् । समूह ए मा नेपाल एपिएफ क्लब, त्रिभुवन आर्मी क्लब, गण्डकी प्रदेश, सुदूरपश्चिम र कर्णाली प्रदेश छन् ।

मधेशले पहिलो खेल भने कार्तिक १७ मा प्रदेश १ सँग मुलपानीमा खेल्दै सुरुवात गर्नेछ । कार्तिक १९ मा मुलपानी मै लुम्बिनीसँग खेल्नेछ । टियुमा कार्तिक २१ मा बागमती र कार्तिक २२ मा पुलिसँग खेल्नेछ । छट पर्वको कारण मधेशको तालिका केहि पछि पारिएको छ ।

मधेशको टोली :

हरि शंकर शाह (कप्तान), विवेक यादव, सन्तोष कार्की, अनिल कुमार शाह (विकेटकिपर), रतन रौनक, डब्लू मलिक, ईमरान शेख, रोहन विक, विशाल पटेल, रुपेश सिंह, राजेश यादव, मोहम्मद आदिल आलम, विशाल शुश्लिङ र प्रदीप पासवान ।

वैकल्पिक – राकेश कामत, अभिषेक तिवारी, अजय यादव र साम्सद अन्सारी ।

प्रशिक्षक : सुनिल शाह

व्यवस्थापक – अनवार अली

मेन्टर – मेहबुब आलम ।