2 years ago
October 25, 2022
एजेन्सी – घरेलु टोली अष्ट्रेलियाले आइसिसी टि२० विश्वकपमा आज श्रीलंकासँग खेल्दैछ । खेल नेपाली समय अनुसार दिउँसो ४ ः ४५ मा पर्थमा खेल्नेछ ।
पहिलो खेलमा न्युजिल्यान्डसँग ८९ रनको लज्जास्पद हारपछि अष्ट्रेलियालाई जितसँगै नेटरनरेटमा पनि ध्यान दिनुपर्ने हुन्छ । सुपर १२ को समूह ए मा पुछारमा रहेको अस्ट्रेलियाको नेटरनरेट माइनस ४.४५० छ । अष्ट्रेलियाको सोच त्यसैले फराकिलो जितमा हुनेछ ।
अष्ट्रेलियाले ब्याटिङ र बलिङ दुबैमा सानदार प्रदर्शन गर्नुपर्ने हुन्छ । जितको लागि २ सय १ रनको विशाल लक्ष्य पछ्याउनेक्रममा अष्ट्रेलिया १ सय ११ रनमा अल आउट भएको थियो । उक्त खेलमा ग्लेन म्याक्सवेलले २८ रन बनाउन बाहेक अन्यको प्रदर्शन राम्रो थिएन ।
ओपनर डेविड वार्नर र आरोन फिन्चबाट उत्कृष्ट सुरुवात चाहन्छ । यी दुई ब्याटरको सुरुवात राम्रो हुँदा अन्य ब्याटर पनि खुलेर खेल्न सक्छन् । मिचेल मार्श, म्याक्सवेल, मार्कस स्टोइनिस, टिम डेविड र म्याथ्यु वेड हुनेछन् । अष्ट्रेलियाको ब्याटिङ आइन भने मजबुत छन् । सबै म्याच विनर ब्याटर रहेका छन् ।
अनुभवी ब्याटर स्टिभ स्मिथ र क्यामरन ग्रीनलाई आज पनि बेन्चमा राख्ने सम्भावना छ । पहिलो खेलबाट परिवर्तन गर्ने सम्भावना कम देखिन्छ । प्याट कमिन्स पनि राम्रो ब्याटिङको क्षमता राख्छन् ।
तीव्र गतिका बलर जोश हेजलवुडले लगातार राम्रो प्रदर्शन गर्दै आएका छन् । प्याट कमिन्स र मिचेल स्टार्कले बलिङमा उत्कृष्ट प्रदर्शन गर्नुपर्ने हुन्छ । स्पिनर एडम जाम्पाबाट उत्कृष्ट प्रदर्शन चाहन्छन् ।
यता श्रीलंका अष्ट्रेलियालाई स्तब्ध पार्न चाहन्छ । ओपनर कुशल मेन्डिस र पाथुम निसांकाको प्रदर्शन महत्वपूर्ण हुनेछ । आयरल्यान्डलाई हराउन ओपनर कुशल मेन्डिसले ६८ रनको अविजित इनिङ खेलेका थिए । कुशल प्रमुख ब्याटर हुन् । उनको प्रदर्शन निकै महत्वपूर्ण हुनेछ । चरिथ असलंका र भानुका राजपक्षे मध्यक्रमका ब्याटर हुन् । बायाँ हाते राजपक्षेबाट राम्रो प्रदर्शन चाहन्छ ।
कप्तान दाशुन शनका प्रमुख हिटर र फिनिसर हुन् । विश्वकपमा अपेक्षा अनुसार प्रदर्शन गरेका छैनन् । गत जुनमा अष्ट्रेलियालाई ४ विकेटले पराजित गर्न शनकाले २५ बलमा ५४ रन जोडेका थिए । त्यो समय श्रीलंकाले अन्तिम ३ ओभरमा ५९ रन जोडेको थियो । श्रीलंका शनकाबाट त्यस्तै प्रदर्शन चाहन्छ ।
स्पिनर महेथ थिक्सना र वानिन्दु हसरंगाको जोडीले लगातार उत्कृष्ट बलिङ गर्दै आएका छन् । यी दुई स्पिनरको सामना गर्न सहज भने हुनेछैन ।
हेड टु हेड :
श्रीलंका र अष्ट्रेलियाबीच कुल २५ टि२० आई खेल भएका छन् । जसमा अष्ट्रेलिया १५ र श्रीलंका १० खेलमा विजयी भएका छन् । पछिल्ला पाँच खेलमा श्रीलंका दुई र अष्ट्रेलिया तीन खेलमा विजयी भएका छन् ।
अष्ट्रेलिया पहिलो जितको सोचमा हुनेछ । श्रीलंका लगातार दोस्रो जितका साथ शीर्ष स्थानमा उक्लिन चाहन्छ । सुपर १२ को समूह ए मा न्युजिल्यान्ड, श्रीलंका र इंग्ल्यान्डको समान २ अंक भएपनि नेटरनरेटको कारण क्रमश पहिलो, दोस्रो र तेस्रो स्थानमा छन् । अफगानिस्तान, आयरल्यान्ड र अष्ट्रेलिया अंक विहीन ।
सुपर १२ को समूह बी मा बंगलादेश शीर्ष र भारत दोस्रो स्थानमा छ । दुबै टोलीको समान २ अंक भएपनि नेटरनरेटमा बंगलादेश अघि छ । दक्षिण अफ्रिका र जिम्बावे एक एक अंकका साथ तेस्रो र चौथो स्थानमा छन् । यी दुई देशबीचको खेल वर्षाको कारण रद्ध भएको थियो । पाकिस्तान र नेदरल्यान्ड्स भने अंक विहीन छन् ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]