2 years ago
October 24, 2022
काठमाडौं (हाम्रो खेलकुद) – नेपाल भ्रमणमा रहेको विश्वप्रसिद्ध मेरीलेबोन क्रिकेट क्लब (एमसीसी) को महिला टोलीलाई नेपालको मिक्स्ड एघार महिला टोलीले पराजित गरेको छ ।
सोमबार मुलपानी क्रिकेट मैदानमा नेपाली टोलीले १ सय ७ रनको फराकिलो जित दर्ता गरेको हो । टस जितेर नेपाललाई ब्याटिङको निम्तो दिएको मेरीलेबोनले २ सय १४ रनको लक्ष्य पाएको थियो । नेपालले निर्धारित ४० ओभरमा ९ विकेट गुमाउँदै २ सय १३ रन जोड्यो । नेपाली टोलीका लागि ओपनरद्वय काजोल श्रेष्ठ र कन्चन श्रेष्ठले अर्धशतक जोडेका थिए ।
प्लेयर अफ द म्याच समेत घोषित काजोलले ५४ बलमा ५३ रनको योगदान दिइन् । उनले १० चौका प्रहार गरिन् । उनी आउट हुँदा नेपालले १७ औं ओभरमा ७५ रन जोडिसकेको थियो । कन्चनले ९९ बलमा ६ चौकासहित ५५ रन जोडिन् । अप्सरी बेहम २, रुविना क्षेत्री १४ र कविता जोशी ६ रनमा पेभेलियन फर्किए ।
सम्झना खड्काले २२ बलमा २ चौकासहित २५ रन जोडिन् । कविता कुँवरले अन्त्यतिर आक्रामक ब्याटिङ गर्ने क्रममा १९ बलमा ५ चौकासहित २७ रनको योगदान दिइन् । अश्मिना कर्मचार्य ७ र संगीता राई २ रन जोड्दा सोनी पाख्रिन ३ र इश्वरी विष्ट १ रनमा नटआउट रहे । एमसीसीकी सबा नसिमले २ तथा रेचल पोटर, एलिसा हबार्ड, इसाबेल गर्नी र सराह क्रेले १-१ विकेट लिए ।
जवाफमा एमसीसीले ३२ औं ओभरमा अलआउट हुनुअघि १ सय ६ रनमात्र जोड्न सक्यो । नेपाली टोलीका लागि कप्तान रुविनाले ३ विकेट लिइन् । ओपनर मिया रोजर्स पहिलो ओभरको तेस्रो बलमा आउट भइन् । उनलाई कविता कुँवरले खाता खोल्न नदिई बोल्ड गरिन् । एलिसा हबार्डले १४, सबा नसिमले २१ तथा जेनी कितजिंगरले १७ रन जोड्दै मध्यक्रममा औसत प्रदर्शन गरे ।
तर तल्लोक्रममा लगातार विकेट खस्दा एमसीसी हार्न पुगेको थियो । जोलेन फोस्टरले १५ रन जोड्दा निकी चौधरी पहिलो बलमा नै सोनी पाख्रिनको शिकार बनिन् । सराह क्रे (१), इसाबेल गर्नी )७), रेचल पोटर (२) र राइ रावल (४*) ले टोलीलाई सम्हाल्न सकेनन् ।
एमसीसीले अब मंगलबार टीयु क्रिकेट मैदानमा आइसीसी यू-१९ टोलीको सामना गर्नेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]