एजेन्सी – आइसिसी टि२० विश्वकप २०२२ को सुपर १२ को पहिलो खेलमा अष्ट्रेलियाले न्युजिल्यान्डविरुद्ध टस जितेर पहिला फिल्डिङ गर्ने निर्णय लिएको छ ।

सिड्नी क्रिकेट ग्राउन्डमा अष्ट्रेलियाका कप्तान आरोन फिन्चले टस जितेर पहिला फिल्डिङ गर्ने निर्णय लिएका हुन् । अष्ट्रेलियाले आजको खेलमा अनुभवी ब्याटर स्टिभ स्मिथ, युवा ब्याटर क्यामरन ग्रीन, केन रिचर्ड्सन र एश्टन अगरलाई बेन्चमा राखेको छ । न्युजिल्यान्डले आक्रामक ओपनर मार्टिन गुप्टिल, एडम मिल्ने, डर्याल मिचेल र माइकल ब्रेसवेललाई बेन्चमा राखेको छ ।

न्युजिल्यान्डको प्लेइङ ११ : डेभन कन्वे (विकेटकिपर), फिन एलेन, केन विलियम्सन (कप्तान), ग्लेन फिलिप्स, मार्क च्यापम्यान, जेम्श निसम, मिचेल सान्टनार, टिम साउथी, ईश सोधी, लोकी फर्गुसन र ट्रेन्ट बोल्ट ।

अष्ट्रेलियाको प्लेइङ ११ : आरोन फिन्च (कप्तान), डेविड वार्नर, मिचेल मार्श, ग्लेन म्याक्सवेल, मार्कस स्टोइनिस, टिम डेविड, म्याथ्यु वेड (विकेटकिपर), प्याट कमिन्स, मिचेल स्टार्क, एडम जाम्पा र जोश हेजलवुड ।

घरेलु टोली अष्ट्रेलिया समर्थक र मैदानको फाइदा उठाउँदै सानदार सुरुवात गर्न चाहन्छ । अष्ट्रेलियाको ब्याटिङ र तीव्र गतिका बलर मुख्य हतियार हो । न्युजिल्यान्ड कप्तान केन विलियम्सनको कप्तानी र उत्कृष्ट तीव्र गतिको बलिङले अष्ट्रेलियालाई स्तब्ध पार्नसक्छ ।

हेड टु हेड :

पछिल्ला पाँच टि२० आई खेलमा न्युजिल्यान्डले एक खेलमा मात्रै जित निकोलेको छ । यी दुई देशबीच कुल १५ खेल हुँदा अष्ट्रेलियाले १० खेल जितेको छ ।