एजेन्सी – इंग्ल्यान्डले आइसिसी टि२० विश्वकपको सुपर १२ मा आज अफगानिस्तानसँग खेल्दै सुरुवात गर्दैछ । खेल नेपाली समय अनुसार दिउँसो ४ : ४५ मा पर्थमा सुरुहुनेछ । उपाधिको प्रमुख दाबेदार इंग्ल्यान्ड स्पिनरको हतियार भएको अफगानिस्तानलाई हराउँदै सानदार सुरुवात गर्न चाहन्छ ।

इंग्ल्यान्डको ब्याटिङ आइनप मजबुत छ । कप्तान जस बटलर र एलेक्स हेल्सले ओपनिङ गर्नेछन् । कप्तान बटलर इंग्ल्यान्डका भरपर्दा आक्रामक ब्याटर हुन् । उनी चलेको खण्डमा इंग्ल्यान्ड एक्लै सहज जित हात पार्नसक्छ । लामो समयपछि टोलीमा फर्किएका एलेक्स हेल्स पनि राम्रो लयमा छन् ।

त्यसपछि डेविड मलान, लियाम लिभिङस्टोन, बेन स्टोक्स, ह्यारी ब्रुक र मोईन अली हुनेछन् । मलानबाट इंग्ल्यान्ड लामो इनिङ चाहन्छ । बेन स्टोक्स ठूला र दबाब खेलमा राम्रो गर्ने गर्दछन् । ह्यारी ब्रुक आक्रामक ब्याटर हुन् । युवा ब्याटर ह्यारीले लगातार राम्रो प्रदर्शन गर्दै आएका छन् ।

मध्यक्रमका भरपर्दा ब्याटर अफगानिस्तानलाई उनी घातक बन्नसक्छन् । इंग्ल्यान्डको ब्याटिङ मजबुत छ । लियाम लिभिङस्टोन चार वा पाँच मध्य एक ब्याटिङक्रममा खेल्ने छन् । उनी स्पिनरमाथि झन् हाबी हुन्छन् । उनको विशाल छक्का हेर्न अझ लायक हुनेछन् । स्पिन पनि त्यतिनै राम्रो गर्ने गर्दछन् ।

इंग्ल्यान्डको ब्याटिङमा गहिराई छ । मोईनले फिनिसरको भूमिका पाउनेछन् । यी दुबै ब्याटर विष्फोटकको क्षमता राख्छन् । क्रिस वोक्स, मार्क वुड र क्रिस जोर्डनबाट पनि तल्लोक्रममा ब्याटिङको अपेक्षा गर्न सकिन्छ ।

तीव्र गतिका बलरमा मार्क वुड, क्रिस वोक्स र क्रिस जोर्डन हुनेछन् । बेन स्टोक्स पार्टटाइम बलरको विकल्प हुनेछन् । स्पिनरमा मोईन अली र आदिल राशिद हुनेछन् ।

यता अफगानिस्तानको मुख्य हतियार नै स्पिन आक्रामण हो । विश्व क्रिकेटका दुई स्टार राशिद खान र मुजिब उर रहमानले लगातार उच्च प्रदर्शन गर्दै आएका छन् । मुजिब नयाँ बल र राशिद मध्यक्रममा घातक बन्दै आएका छन् । त्यस्तै मोहम्मद नाबी तेस्रो स्पिनर हुन् । यी तीन स्पिनरको उच्च प्रदर्शन विना भने अफगानिस्तानले जित निकाल्न धेरै कठिन पर्दछ ।

अफगानिस्तानको ब्याटिङ भने कमजोरीको रुपमा छ । ओपनर रहमानाउल्लाह गुरबाज प्रमुख हतियार हुन् । गुरबाजको प्रदर्शनले अफगानिस्तानको योगफलमा धेरै प्रभाव पार्दछ । हज्रतुल्लाह जजाई, इब्राहिम जद्रान र नाजिबउल्लाह जद्रान ब्याटर हुन् । अफगानिस्तानको तीव्र गतिका बलर फजाउल्लाह फारुकी र नभिन उल हक हुनेछन् ।

अफगानिस्तान र इंग्ल्यान्डबीच हालसम्म दुई टि२० आई खेल भएको छ । दुबै खेलमा इंग्ल्यान्ड विजयी भएको छ । सिड्नीको पिच भने बाउन्स बढी हुँदा तीव्र गतिका बलर बढी फाइदा लिनसक्छन् । इंग्ल्यान्ड सन् २०१० को टि२० विश्वकप च्याम्पियन हो । त्यसपछि उपाधि जित्न सकेको छैन ।