काठमाडौं(हाम्रो खेलकुद) – कप्तान बसिर अहमद र तीव्र गतिका बलर मोहम्मद हसनैननको उत्कृष्ट प्रदर्शनमा कपिलवस्तुले प्रधानमन्त्री कप अन्तर्गत लुम्बिनी छनोटमा पाल्पालाई ७ विकेटले पराजित गरेको छ ।

सिद्धार्थ रंगाशालामा टस रोजेको पाल्पा ३५.४ ओभरमा १ सय ४ रनमा अल आउट भयो । पाल्पाको लागि नर बहादुर सार्की४१ बलमा २ चौका र १ छक्कासहित सर्वाधिक २५ रन बनाए ।

रुपेश कुर्मी १३ र सागर थापाले १५ रन बनाए । कपिलवस्तुका लागि मोहम्मद हसनैनले ७.४ ओभरमा २ मेडनसहित ३६ रन खर्चेर ४ विकेट लिए । बसिर अहमद र दुर्गेश कुर्मीले तीन विकेट लिए ।

जितको लागि १ सय ५ रनको विजयी लक्ष्य पछ्याएको कपिलवस्तुले २०.२ ओभरमा ३ विकेट गुमाएर पूरा गर्यो । कपिलवस्तुको लागि कप्तान बसिर अहमदले ४५ बलमा ८ चौकासहित सर्वाधिक ५० रनमा अविजित रहे । आकाश त्रिपाठीले ५४ बलमा ३ चौकासहित ४२ र इमरान खानले ४ रन बनाए ।

पाल्पालको लागि रुपेश कुर्मीले दुई विकेट लिए । अर्को खेलमा बर्दियाले बाँकेलाई ६ विकेटले हरायो । टस जितेर पहिला ब्याटिङ थालेको बाँके २४.१ ओभरमा १ सय ५ रनमा अल आउट भयो । उसको लागि सन्दीप नेपालीले सर्वाधिक १९ रन बनाए । बर्दियाका सौगात खत्रीले सर्वाधिक पाँच विकेट लिए । विशाल विक्रम केसी र निर्मल गुरुङले दुई दुई विकेट लिए ।

जितको लागि १ सय ६ रनको विजयी लक्ष्य बर्दियाले ३२ ओभरमा ६ विकेट गुमाउँदै पूरा गर्यो । बदिर्याको जितमा सुमित नेवार र विशाल विक्रम केसीले ३८(३८ रन बनाए । विशालले ६४ बलमा ३ चौका र सुमितले ६२ बलमा ४ चौका हाने ।