धादिङ (हाम्रो खेलकुद) – धादिङमा जारी अन्तर पालिका स्तरीय धादिङ क्रिकेट लिगको विहीबार तेस्रो दिन बेनिघाट रोराङ गाउँपालिकाले पहिलो जित दर्ता गरेको छ । समूह बी मा रहेको बेनिघाट रोराङ गाउँपालिकाले नीलकण्ठ नगरपालिकालाई ७ रनले पराजित गरेको छ । समूहबाट दुई चरणका खेल सकिँदा सहभागी चार टिमकै समान २-२ अंक छ ।

आफ्नो पहिलो खेलमा सिद्धलेक गाउँपालिकासँग पराजय बेहोरेको बेनिघाट रोराङले दोस्रो खेलमा नीलकण्ठ नगरपालिकालाइ झिनो रन अन्तरले पराजित गरेर सेमिफाइनल सम्भावना राखेको छ ।

विहीबार नै भएको दोस्रो खेलमा सिद्धलेक गाउँपालिकाले गल्छी गाउँपालिकालाई पराजित गरेसँगै सेफिफाइनल यात्रा रोमान्चक पुगेको छ । यो समूहबाट सेमिफाइनल यात्रा गर्ने टुङ्गो अन्तिम खेलबाट लाग्नेछ ।

अन्तिम खेलमा नीलकण्ठ नगरपालिका र गल्छी गाउँपालिका तथा बेनिघाट रोराङ गाउँपालिका र सिद्धलेक गाउँपालिकाबीच पाँच गते हुने छ । त्यस्तै विहीबारकै पहिलो खेलमा समूह ए मा रहेको त्रिपुरासुन्दरी गाउँपालिकाले गजुरीलाइ पराजित गरेर सेमिफाइनल पुग्ने आशा जिवितै राखेको छ । लगातार दुर्इ खेलमा पराजित भएसँगै गजुरी गाउँपालिका समूह चरणबाटै बाहिरिएको छ ।

गजुरी पहिलो खेलमा खनियावास गाउँपालिकासंग पराजित भएको थियो । समहू चरणमा गजुरी गाउँपालिकाले अन्तिम खेल धुनीवेशी नगरपालिकासँग खेल्नेछ । उसको लागि औपचारिकता मात्रै बाँकी रहनेछ ।

यो समूहबाट धुनीवेशी लगातार दुर्इ खेल जित्दै अन्तिम खेल अघि नै सेफिफाइनलमा स्थान बनाएको छ । त्रिपुरा सुन्दरी गाउँपालिका र खनियावास गाउँपालिकाको समान २(२ अंक छ । समूह चरणको अन्तिम खेलमा यी टोलीबीच प्रतिस्पर्धा हुनेछ । विजयी टोली सेमिफाइनलमा पुग्नेछ ।

धादिङ जिल्ला क्रिकेट संघको आयोजनामा भइरहेको यस प्रतियोगीतामा ८ वटा गाउँपालिका सहभागी भएका छन् । प्रतियोगीतामा विजयी हुने टोलीले १ लाख २५ हजार प्राप्त गर्नेछन् ।