बिराटनगर -( हाम्रो खेलकुद ) – पुर्वान्चलमा जारी सातौं राष्ट्रिय खेलकुद प्रतियोगिता अन्तर्गत पुरुष क्रिकेटमा विभागीय टोलिहरु त्रिभुवन आर्मी र नेपाल पुलिस क्लबले जित हासिल गरेको छ ।

बिराटनगरस्थित बैजनाथपुर खेल मैदानमा भएको पहिलो खेलमा आर्मीले सुदूर पश्चिमाञ्चल विकास क्षेत्रलाई ८७ रनले पराजित गरेको हो । टस हारेर पहिले ब्याटिङ गरेको आर्मीले निर्धा्रित २० ओभरमा ३ विकेट गुमाएर २ सय ९ रन बनाएको थियो । आर्मीका लागि नरेश बुढायरले अविजित ८१ तथा सागर पुनले ४४ रन बनाए ।

आर्मीले दिएको २ सय १० रनको बिजय लक्ष्य पछ्याएको सुदूर पश्चिमाञ्चलले निर्धा्रित २० ओभरमा ५ विकेट गुमाएर १ सय २२ रन मात्र बनाउन सक्यो । उसका लागि रोशन नेपाली ५० तथा दिपक मल्लले २२ रन बनाए ।

त्यस्तै बैजनाथपुर खेल मैदानमा भएको दोस्रो खेलमा नेपाल पुलिसले मध्यमाञ्चल विकास क्षेत्रलाई १७ रनले पराजित गर्यो । नेपाल पुलिस क्लबले प्रस्तुत गरेको १ सय ४७ रनको लक्ष्य पछ्याएको मध्यमाञ्चलले निर्धा्रित २० ओभरमा ८ विकेट गुमाएर १ सय २९ रन मात्र बनाउन सक्यो । मध्यमाञ्चलका लागि लाल अधिकारीले २७ रन जोडे । पुलिसका ललित भण्डारीले ३ विकेट लिए ।

यसअघि टस जितेर पहिले ब्याटिङ गरेको पुलिसले निर्धा्रित २० ओभरमा ५ विकेट गुमाएर १ सय ४६ रन बनाएको थियो । पुलिसका लागि मन्जित श्रेष्ठले ४९ तथा दिपेन्द्र एरिले २८ रन बनाए । जितसंगै पुलिसले समुह बि मा २ अंक जोडेको छ