2 years ago
October 17, 2022
एजेन्सी – अलराउन्डर सिकन्दर राजको सानदार प्रदर्शनमा जिम्बावले आइसिसी टि२० विश्वकपमा आयरल्यान्डलाई ३१ रनले हराउँदै विजयी सुरुवात गरेको छ । जिम्बावेले समूह बी मा हत्वपूर्ण दुई अंक जोडेको हो ।
जितको लागि १ सय ७५ रनको विजयी लक्ष्य पछ्याएको आयरल्यान्डले निर्धारित २० ओभरमा ९ विकेट गुमाउँदै १ सय ४३ रन बनायो । आयरल्यान्डका कर्टिस क्याम्फरले २२ बलमा १ चौकासहित सर्वाधिक २७ रन बनाए ।
ओपनर पउल स्टर्लिङ शून्य र कप्तान एन्डी बलबार्नी ३ रनमा आउट भए । ह्यारी टेक्टर १, जर्ज डोकरेल र गेराथ डेलानी २४-२४ रनमा आउट भए ।
जिम्बावेका ब्लेसिङ मुर्जाबानीले ४ ओभरमा २३ रन खर्चेर सर्वाधिक तीन विकेट लिए । रिचर्ड नगर्भा र टेन्डाई चताराले दुई दुई विकेट लिए । सेन विलियम्स र सिकन्दर राजाले एक एक विकेट लिए ।
त्यसअघि होबार्टमा टस हारेर पहिला ब्याटिङको निम्तो पाएको जिम्बावेले निर्धारित २० ओभरमा ७ विकेट गुमाउँदै १ सय ७४ रन बनायो । जिम्बावेका सिकन्दर राजाले ४८ बलमा ५ चौका र ५ छक्कासहित सर्वाधिक ८२ रनको योगदान दिए । अन्य ब्याटर सस्तैमा आउट भए पनि राजाले सानदार ब्याटिङका साथ बलियो योगफलमा पुर्याएका हुन् ।
ओपनर रेजिस चकभा शून्य र क्रेग इर्विन ९ रनमा आउट भए । विस्ली मेधेर्वेले १९ बलमा ४ चौकासहित २२ रन बनाए । सेन विलियम्स ११ बलमा १ छक्कासहित १२ रनमा आउट भए । मिल्टन सुब्बा १६ र रयान बर्ल एक रनमा आउट भए ।
आयरल्यान्डका तीव्र गतिका बलर जोशुवा लिटिलले ४ ओभरमा २४ रन खर्चेर ३ विकेट लिए । मार्क आदिरले ४ ओभरमा ३९ रन खर्चेर २ विकेट लिए । सिमी सिंहले ४ ओभरमा ३१ रन खर्चेर २ विकेट लिए ।
जिम्बावे पहिलो चरणको समूह बी मा छ । समूह बी मा स्कटल्यान्ड, आयरल्यान्ड, जिम्बावे र वेस्टइन्डिज छन् । समूह ए मा नेदरल्यान्ड्स, नामिबिया, युएई र श्रीलंका छन् । पहिलो दिन श्रीलंका नामिबियासँग ५५ रनले स्तब्ध भएको थियो ।
त्यस्तै दोस्रो दिन वेस्टइन्डिजलाई स्कटल्यान्डले ४२ रनले पराजित गरेको छ । जिम्बावेले बुधबार वेस्टइन्डिज र शुक्रबार स्कटल्यान्डसँग खल्नेछ । आयरल्यान्डले बुधबार स्कटल्यान्ड र शुक्रबार वेस्टइन्डिजसँग खेल्नेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]